Mga Awit 39:1-13
Sa direktor; sa Jedutun.*+ Awit ni David.
39 Sinabi ko: “Mag-iingat ako sa mga hakbang koPara hindi ako magkasala dahil sa aking dila.+
Lalagyan ko ng busal ang aking bibig+Hangga’t may masasamang tao sa paligid ko.”
2 Nanahimik ako at hindi kumibo;+Nanatili akong tahimik kahit sa mga bagay na mabuti,Pero matindi* ang nadarama kong kirot.
3 Nag-alab* ang puso ko.
Habang nagbubulay-bulay* ako, patuloy na lumalagablab ang apoy.
Pagkatapos, sinabi ko:
4 “O Jehova, tulungan mo akong malaman ang magiging wakas ko,At ang bilang ng mga araw ko,+Para malaman ko kung gaano kaikli ang buhay ko.*
5 Ginawa mong kaunti lang ang mga araw ko;+At napakaikli ng buhay ko sa paningin mo.+
Bawat tao, kahit mukhang matatag, ay gaya lang ng isang hininga.+ (Selah)
6 Talagang ang bawat tao ay lumalakad na gaya ng anino.*
Nagpapakaabala siya* para sa wala.
Nag-iimbak siya ng kayamanan, pero hindi niya alam kung sino ang makikinabang dito.+
7 Ano ngayon ang maaasahan ko, O Jehova?
Ikaw lang ang pag-asa ko.
8 Iligtas mo ako sa lahat ng kasalanan ko.+
Huwag mong hayaang hamakin ako ng mangmang.
9 Nanatili akong walang imik;Hindi ko maibuka ang bibig ko,+Dahil ikaw ang may gawa ng lahat ng ito.+
10 Alisin mo ang salot na ipinasapit mo sa akin.
Nanghihina na ako sa mga hampas ng kamay mo.
11 Pinaparusahan mo ang tao para ituwid siya sa pagkakamali niya;+Inuubos mo ang mga bagay na mahalaga sa kaniya gaya ng ginagawa ng isang insekto.*
Talagang ang bawat tao ay gaya lang ng isang hininga.+ (Selah)
12 Dinggin mo ang panalangin ko, O Jehova,Pakinggan mo ang paghingi ko ng tulong.+
Huwag mong bale-walain ang mga luha ko.
Dahil sa paningin mo, isa lang akong dayuhang nakikipanirahan,+Isang manlalakbay na dumadaan,* gaya ng lahat ng ninuno ko.+
13 Alisin mo sa akin ang matalim mong tingin para sumaya akoBago ako mamatay at maglaho.”
Talababa
^ O “tumindi.”
^ Lit., “Uminit.”
^ O “nagbubuntonghininga.”
^ O “kung gaano kabilis akong mawala.”
^ O “ang buhay ng bawat tao ay gaya ng anino.”
^ Lit., “Gumagawa siya ng ingay.”
^ O “tangà,” isang insekto na kumakain ng tela.
^ O “Isang nakikipamayan.”