Mga Awit 75:1-10
Sa direktor. Sa himig ng “Huwag Mong Ipahamak.” Awit ni Asap.+
75 Nagpapasalamat kami sa iyo, O Diyos, nagpapasalamat kami sa iyo;Ang pangalan mo ay malapit sa amin,+At ipinahahayag ng mga tao ang kamangha-mangha mong mga gawa.
2 Sinabi mo: “Kapag nagtakda ako ng panahon,Humahatol ako nang patas.
3 Nang manginig* ang lupa at ang lahat ng nakatira dito,Ako ang nagpanatiling matatag sa mga haligi nito.” (Selah)
4 Sinabi ko sa mayayabang, “Huwag kayong magyabang,”At sa masasama, “Huwag ninyong ipagmalaki ang lakas* ninyo.
5 Huwag ninyong ipagmalaki na napakalakas* ninyo,At huwag kayong magsalita nang may kahambugan.
6 Dahil ang kadakilaan ay hindi nagmumulaSa silangan o sa kanluran o sa timog.
7 Dahil ang Diyos ang Hukom.+
Ibinababa niya ang isang tao at itinataas ang isa pa.+
8 Dahil may kopa sa kamay ni Jehova;+Punô ito ng bumubula at natimplahang alak.
Tiyak na ibubuhos niya iyon,At iinumin iyon ng lahat ng masasama sa lupa, pati ang latak.”+
9 Pero ako, ihahayag ko ito magpakailanman;Aawit ako ng mga papuri* sa Diyos ni Jacob.
10 Dahil sinabi niya: “Aalisin ko ang lakas* ng masasama,Pero madaragdagan ang lakas* ng matuwid.”
Talababa
^ Lit., “matunaw.”
^ Lit., “itaas ang sungay.”
^ Lit., “itaas ang sungay.”
^ O “Aawit ako at tutugtog para.”
^ Lit., “Puputulin ko ang sungay.”
^ Lit., “itataas ang sungay.”