Mga Awit 76:1-12
Sa direktor; aawitin sa saliw ng mga instrumentong de-kuwerdas. Awit ni Asap.+
76 Ang Diyos ay kilala sa Juda;+Dakila+ ang pangalan niya sa Israel.
2 Nasa Salem+ ang pahingahan niya,At nasa Sion ang tirahan niya.+
3 Doon niya winasak ang nagliliyab na mga palaso ng pana,Ang kalasag at ang espada at ang mga sandatang pandigma.+ (Selah)
4 Nagniningning ka sa* liwanag;Mas maringal ka kaysa sa mga bundok ng maiilap na hayop.
5 Ang matatapang ay sinamsaman.+
Nakatulog* sila;Ang lahat ng mandirigma ay walang kalaban-laban.+
6 Dahil sa pagsaway mo, O Diyos ni Jacob,Ang tagapagpatakbo ng karwahe at ang kabayo ay nakatulog nang mahimbing.*+
7 Ikaw lang ang kasindak-sindak.+
Sino ang makatatagal sa iyong matinding galit?+
8 Mula sa langit ay inihayag mo ang hatol mo;+Ang lupa ay natakot at tumahimik+
9 Nang maglapat ng hatol ang Diyos,Para iligtas ang lahat ng maaamo sa lupa.+ (Selah)
10 Dahil ang pagngangalit ng tao ay magiging kapurihan sa iyo;+Papalamutian mo ang iyong sarili ng natitira nilang galit.
11 Manata kayo kay Jehova na inyong Diyos at tuparin ninyo iyon,+Lahat ng nasa palibot niya ay magdala nawa ng kaloob nang may takot.+
12 Ibababa niya ang hambog na mga pinuno;*Kinatatakutan siya ng mga hari sa lupa.
Talababa
^ O “Nababalutan ka ng.”
^ Ibig sabihin, namatay.
^ Ibig sabihin, namatay.
^ Lit., “ang espiritu ng mga pinuno.”