33  Ito ang mga paglalakbay ng bayang Israel paglabas nila sa Ehipto+ ayon sa kani-kanilang grupo,*+ sa pangunguna nina Moises at Aaron.+ ²  Sa bawat paglalakbay nila, inirerekord ni Moises kung saan sila nanggaling, gaya ng iniutos ni Jehova. At ito ang mga paglalakbay nila:+ ³  Umalis sila sa Rameses+ noong ika-15 araw ng unang buwan.+ Nang mismong araw pagkaraan ng Paskuwa,+ ang mga Israelita ay taas-noong umalis* sa harap ng lahat ng Ehipsiyo, ⁴  habang inililibing ng mga Ehipsiyo ang lahat ng panganay nila na pinatay ni Jehova,+ dahil naglapat ng hatol si Jehova sa kanilang mga diyos.+ ⁵  Kaya umalis ang mga Israelita sa Rameses at nagkampo sa Sucot.+ ⁶  Umalis sila sa Sucot at nagkampo sa Etham,+ na malapit sa ilang.* ⁷  Umalis sila sa Etham at lumiko papuntang Pihahirot, na malapit sa Baal-zepon,+ at nagkampo sila sa tapat ng Migdol.+ ⁸  Pagkatapos, umalis sila sa Pihahirot at dumaan sa gitna ng dagat+ papunta sa ilang,+ at tatlong araw silang naglakbay sa ilang ng Etham+ at nagkampo sa Marah.+ ⁹  Umalis sila sa Marah at nakarating sa Elim. May 12 bukal ng tubig at 70 puno ng palma sa Elim, kaya nagkampo sila roon.+ ¹⁰  Umalis sila sa Elim at nagkampo sa tabi ng Dagat na Pula. ¹¹  Umalis sila sa Dagat na Pula at nagkampo sa ilang ng Sin.+ ¹²  Umalis sila sa ilang ng Sin at nagkampo sa Dopka. ¹³  Umalis sila sa Dopka at nagkampo sa Alus. ¹⁴  Umalis sila sa Alus at nagkampo sa Repidim,+ kung saan walang mainom na tubig ang bayan. ¹⁵  Umalis sila sa Repidim at nagkampo sa ilang ng Sinai.+ ¹⁶  Umalis sila sa ilang ng Sinai at nagkampo sa Kibrot-hataava.+ ¹⁷  Umalis sila sa Kibrot-hataava at nagkampo sa Hazerot.+ ¹⁸  Umalis sila sa Hazerot at nagkampo sa Ritma. ¹⁹  Umalis sila sa Ritma at nagkampo sa Rimon-perez. ²⁰  Umalis sila sa Rimon-perez at nagkampo sa Libna. ²¹  Umalis sila sa Libna at nagkampo sa Risa. ²²  Umalis sila sa Risa at nagkampo sa Kehelata. ²³  Umalis sila sa Kehelata at nagkampo sa Bundok Seper. ²⁴  Umalis sila sa Bundok Seper at nagkampo sa Harada. ²⁵  Umalis sila sa Harada at nagkampo sa Makelot. ²⁶  Umalis sila+ sa Makelot at nagkampo sa Tahat. ²⁷  Umalis sila sa Tahat at nagkampo sa Tera. ²⁸  Umalis sila sa Tera at nagkampo sa Mitka. ²⁹  Umalis sila sa Mitka at nagkampo sa Hasmona. ³⁰  Umalis sila sa Hasmona at nagkampo sa Moserot. ³¹  Umalis sila sa Moserot at nagkampo sa Bene-jaakan.+ ³²  Umalis sila sa Bene-jaakan at nagkampo sa Hor-hagidgad. ³³  Umalis sila sa Hor-hagidgad at nagkampo sa Jotbata.+ ³⁴  Umalis sila sa Jotbata at nagkampo sa Abrona. ³⁵  Umalis sila sa Abrona at nagkampo sa Ezion-geber.+ ³⁶  Umalis sila sa Ezion-geber at nagkampo sa ilang ng Zin,+ na siyang Kades. ³⁷  Umalis sila sa Kades at nagkampo sa Bundok Hor,+ sa hangganan papasók sa lupain ng Edom. ³⁸  At sa utos ni Jehova, umakyat sa Bundok Hor si Aaron na saserdote at namatay roon noong unang araw ng ikalimang buwan ng ika-40 taon mula nang lumabas sa Ehipto ang mga Israelita.+ ³⁹  Si Aaron ay 123 taóng gulang nang mamatay sa Bundok Hor. ⁴⁰  At nabalitaan ng Canaanitang hari ng Arad,+ na nakatira sa Negeb sa lupain ng Canaan, na darating ang mga Israelita. ⁴¹  Pagkatapos, umalis sila sa Bundok Hor+ at nagkampo sa Zalmona. ⁴²  Umalis sila sa Zalmona at nagkampo sa Punon. ⁴³  Umalis sila sa Punon at nagkampo sa Obot.+ ⁴⁴  Umalis sila sa Obot at nagkampo sa Iye-abarim, sa hangganan ng Moab.+ ⁴⁵  Umalis sila sa Iyim at nagkampo sa Dibon-gad.+ ⁴⁶  Umalis sila sa Dibon-gad at nagkampo sa Almon-diblataim. ⁴⁷  Umalis sila sa Almon-diblataim at nagkampo sa mga bundok ng Abarim+ sa tapat ng Nebo.+ ⁴⁸  Bilang panghuli, umalis sila sa mga bundok ng Abarim at nagkampo sa mga tigang na kapatagan ng Moab sa tabi ng Jordan sa Jerico.+ ⁴⁹  At nanatili silang nagkakampo sa tabi ng Jordan, mula sa Bet-jesimot hanggang sa Abel-sitim,+ sa mga tigang na kapatagan ng Moab. ⁵⁰  Sinabi ni Jehova kay Moises sa mga tigang na kapatagan ng Moab sa tabi ng Jordan sa Jerico: ⁵¹  “Sabihin mo sa mga Israelita, ‘Tatawirin ninyo ang Jordan papunta sa Canaan.+ ⁵²  Dapat ninyong itaboy ang lahat ng nakatira sa lupain at sirain ang lahat ng batong rebulto nila+ at metal na estatuwa,+ at gibain ninyo ang lahat ng sagradong matataas na lugar nila.+ ⁵³  At magiging pag-aari ninyo ang lupain at titira kayo roon, dahil talagang ibibigay ko sa inyo ang lupain bilang pag-aari.+ ⁵⁴  Sa pamamagitan ng palabunutan,+ hati-hatiin ninyo ang lupaing mamanahin ng inyong mga pamilya. Dagdagan ninyo ang mana ng malalaking grupo at bawasan ang mana ng maliliit na grupo.+ Ang lupaing mamanahin ng bawat isa ay nakadepende sa palabunutan. Ang tatanggapin ninyong pag-aari ay mana mula sa tribo ng inyong mga ama.+ ⁵⁵  “‘Pero kung hindi ninyo itataboy ang mga nakatira sa lupain,+ ang mga ititira ninyo ay magiging gaya ng puwing sa inyong mga mata at tinik sa inyong mga tagiliran, at pahihirapan nila kayo sa lupain na titirhan ninyo.+ ⁵⁶  At gagawin ko sa inyo kung ano ang balak kong gawin sa kanila.’”+