7  Nang araw na matapos itayo ni Moises ang tabernakulo,+ pinahiran niya iyon ng langis+ at pinabanal, pati ang lahat ng kagamitan nito, at ang altar at lahat ng kagamitan nito.+ Pagkatapos niyang pahiran at pabanalin ang mga iyon,+ ² naghandog ang mga pinuno ng Israel,+ ang mga ulo ng mga angkan nila. Ang mga pinunong ito ng mga tribo na nangasiwa sa pagrerehistro ³ ay naghandog sa harap ni Jehova ng anim na karwaheng may bubong at 12 baka, isang karwahe kada dalawang pinuno at isang toro* mula sa bawat isa; at dinala nila ang mga iyon sa harap ng tabernakulo. ⁴ Sinabi ni Jehova kay Moises: ⁵ “Tanggapin mo ang mga iyon mula sa kanila, dahil gagamitin ang mga iyon para sa paglilingkod sa tolda ng pagpupulong, at dapat mong ibigay ang mga iyon sa mga Levita, sa bawat isa ayon sa kailangan niya sa kaniyang mga atas.” ⁶ Kaya tinanggap ni Moises ang mga karwahe at mga baka at ibinigay ang mga iyon sa mga Levita. ⁷ Binigyan niya ng dalawang karwahe at apat na baka ang mga anak ni Gerson, ayon sa kailangan nila sa kanilang mga atas;+ ⁸ at binigyan niya ng apat na karwahe at walong baka ang mga anak ni Merari, ayon sa kailangan nila sa kanilang mga atas, na pangangasiwaan ni Itamar na anak ni Aaron na saserdote.+ ⁹ Pero hindi niya binigyan ang mga anak ni Kohat dahil ang mga atas nila ay may kaugnayan sa paglilingkod sa banal na lugar,+ at binubuhat nila ang mga banal na bagay sa kanilang mga balikat.+ ¹⁰ At ang mga pinuno ay naghandog noong pasinayaan*+ ang altar, nang araw na pahiran ito ng langis. Nang dalhin ng mga pinuno ang kanilang handog sa harap ng altar, ¹¹ sinabi ni Jehova kay Moises: “Bawat araw, isang pinuno ang magdadala ng kaniyang handog para sa pagpapasinaya ng altar.” ¹² Ang nagdala ng handog noong unang araw ay si Nason+ na anak ni Aminadab mula sa tribo ni Juda. ¹³ Ang handog niya ay isang pilak na pinggan na 130 siklo* ang bigat at isang pilak na mangkok na 70 siklo ang bigat ayon sa siklo ng banal na lugar,*+ na parehong punô ng magandang klase ng harina na hinaluan ng langis bilang handog na mga butil;+ ¹⁴ isang gintong kopa* na 10 siklo ang bigat at punô ng insenso; ¹⁵ isang batang toro, isang lalaking tupa, at isang lalaking kordero* na hindi lalampas ng isang taóng gulang, bilang handog na sinusunog;+ ¹⁶ isang batang kambing bilang handog para sa kasalanan;+ ¹⁷ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Nason na anak ni Aminadab.+ ¹⁸ Nang ikalawang araw, ang naghandog ay si Netanel+ na anak ni Zuar at pinuno ng tribo ni Isacar. ¹⁹ Dinala niya bilang kaniyang handog ang isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ²⁰ isang gintong kopa na 10 siklo ang bigat at punô ng insenso; ²¹ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ²² isang batang kambing bilang handog para sa kasalanan;+ ²³ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Netanel na anak ni Zuar. ²⁴ Nang ikatlong araw, si Eliab na anak ni Helon at pinuno ng mga anak ni Zebulon+ ²⁵ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ²⁶ isang gintong kopa na 10 siklo ang bigat at punô ng insenso; ²⁷ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ²⁸ isang batang kambing bilang handog para sa kasalanan;+ ²⁹ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Eliab+ na anak ni Helon. ³⁰ Nang ikaapat na araw, si Elizur na anak ni Sedeur at pinuno ng mga anak ni Ruben+ ³¹ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ³² isang gintong kopa na 10 siklo ang bigat at punô ng insenso; ³³ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ³⁴ isang batang kambing bilang handog para sa kasalanan;+ ³⁵ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Elizur+ na anak ni Sedeur. ³⁶ Nang ikalimang araw, si Selumiel na anak ni Zurisadai at pinuno ng mga anak ni Simeon+ ³⁷ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ³⁸ isang gintong kopa na 10 siklo ang bigat at punô ng insenso; ³⁹ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ⁴⁰ isang batang kambing bilang handog para sa kasalanan;+ ⁴¹ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Selumiel+ na anak ni Zurisadai. ⁴² Nang ikaanim na araw, si Eliasap na anak ni Deuel at pinuno ng mga anak ni Gad+ ⁴³ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ⁴⁴ isang gintong kopa na 10 siklo ang bigat at punô ng insenso; ⁴⁵ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ⁴⁶ isang batang kambing bilang handog para sa kasalanan;+ ⁴⁷ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Eliasap+ na anak ni Deuel. ⁴⁸ Nang ikapitong araw, si Elisama na anak ni Amihud at pinuno ng mga anak ni Efraim+ ⁴⁹ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ⁵⁰ isang gintong kopa na 10 siklo ang bigat at punô ng insenso; ⁵¹ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ⁵² isang batang kambing bilang handog para sa kasalanan;+ ⁵³ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Elisama+ na anak ni Amihud. ⁵⁴ Nang ikawalong araw, si Gamaliel na anak ni Pedazur at pinuno ng mga anak ni Manases+ ⁵⁵ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ⁵⁶ isang gintong kopa na 10 siklo ang bigat at punô ng insenso; ⁵⁷ isang batang toro, isang lalaking tupa, at isang lalaking kordero na hindi lalampas ng isang taóng gulang bilang handog na sinusunog;+ ⁵⁸ isang batang kambing bilang handog para sa kasalanan;+ ⁵⁹ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Gamaliel+ na anak ni Pedazur. ⁶⁰ Nang ikasiyam na araw, si Abidan na anak ni Gideoni at pinuno+ ng mga anak ni Benjamin+ ⁶¹ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ⁶² isang gintong kopa na 10 siklo ang bigat at punô ng insenso; ⁶³ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ⁶⁴ isang batang kambing bilang handog para sa kasalanan;+ ⁶⁵ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Abidan+ na anak ni Gideoni. ⁶⁶ Nang ika-10 araw, si Ahiezer na anak ni Amisadai at pinuno ng mga anak ni Dan+ ⁶⁷ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ⁶⁸ isang gintong kopa na 10 siklo ang bigat at punô ng insenso; ⁶⁹ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ⁷⁰ isang batang kambing bilang handog para sa kasalanan;+ ⁷¹ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Ahiezer+ na anak ni Amisadai. ⁷² Nang ika-11 araw, si Pagiel na anak ni Ocran at pinuno ng mga anak ni Aser+ ⁷³ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ⁷⁴ isang gintong kopa na 10 siklo ang bigat at punô ng insenso; ⁷⁵ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ⁷⁶ isang batang kambing bilang handog para sa kasalanan;+ ⁷⁷ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Pagiel+ na anak ni Ocran. ⁷⁸ Nang ika-12 araw, si Ahira na anak ni Enan at pinuno ng mga anak ni Neptali+ ⁷⁹ ang naghandog: isang pilak na pinggan na 130 siklo ang bigat at isang pilak na mangkok na 70 siklo ang bigat ayon sa siklo ng banal na lugar,+ na parehong punô ng magandang klase ng harina na hinaluan ng langis bilang handog na mga butil;+ ⁸⁰ isang gintong kopa na 10 siklo ang bigat at punô ng insenso; ⁸¹ isang batang toro, isang lalaking tupa, at isang lalaking kordero na hindi lalampas ng isang taóng gulang, bilang handog na sinusunog;+ ⁸² isang batang kambing bilang handog para sa kasalanan;+ ⁸³ at bilang haing pansalo-salo+ ay dalawang baka, limang lalaking tupa, limang lalaking kambing, at limang lalaking kordero na isang taóng gulang. Ito ang handog ni Ahira+ na anak ni Enan. ⁸⁴ Ito ang handog mula sa mga pinuno ng Israel nang pasinayaan+ ang altar, nang araw na pahiran ito ng langis: 12 pilak na pinggan, 12 pilak na mangkok, at 12 gintong kopa;+ ⁸⁵ 130 siklo ang bigat ng bawat pilak na pinggan at 70 siklo ang bigat ng bawat mangkok; ang lahat ng pilak na sisidlan ay 2,400 siklo ayon sa siklo ng banal na lugar;+ ⁸⁶ 10 siklo ang bigat ng bawat isa sa 12 gintong kopa na punô ng insenso, ayon sa siklo ng banal na lugar; ang lahat ng ginto ng mga kopa ay 120 siklo. ⁸⁷ Ang lahat ng hayop para sa handog na sinusunog ay 12 toro, 12 lalaking tupa, at 12 lalaking kordero na isang taóng gulang, na may kasamang mga handog na mga butil, at bilang handog para sa kasalanan ay 12 batang kambing; ⁸⁸ at ang lahat ng hayop para sa haing pansalo-salo ay 24 na toro, 60 lalaking tupa, 60 lalaking kambing, at 60 lalaking kordero na isang taóng gulang. Ito ang handog nang pasinayaan+ ang altar matapos itong pahiran ng langis.+ ⁸⁹ Tuwing pumapasok si Moises sa tolda ng pagpupulong para makipag-usap sa Diyos,*+ ang tinig na nakikipag-usap sa kaniya ay naririnig niya mula sa ibabaw ng pantakip+ ng kaban ng Patotoo, mula sa pagitan ng dalawang kerubin;+ at nakikipag-usap sa kaniya ang Diyos.