32  “Makinig ka, O langit, at magsasalita ako;Makinig din ang lupa sa mga sasabihin ko.  ² Ang tagubilin ko ay babagsak na gaya ng ulan;Ang pananalita ko ay papatak na gaya ng hamog,Gaya ng ambon sa damoAt gaya ng saganang ulan sa pananim.  ³ Dahil ipahahayag ko ang pangalan ni Jehova.+ Ipaalám ninyo ang kadakilaan ng ating Diyos!+  ⁴ Ang Bato, walang maipipintas sa kaniyang mga gawa,+Dahil lahat ng ginagawa niya ay makatarungan.+ Isang Diyos na tapat+ at hindi kailanman magiging tiwali;+Matuwid at tapat siya.+  ⁵ Sila ang kumilos nang kapaha-pahamak.+ Hindi niya sila mga anak; sila ang pinagmulan ng problema.+ Sila ay isang di-tapat at makasalanang henerasyon!+  ⁶ Ganiyan ba ninyo dapat pakitunguhan si Jehova,+O bayang hangal at mangmang?+ Hindi ba siya ang inyong Ama na nagbigay ng buhay ninyo,+Ang lumikha sa inyo at nagpatatag?  ⁷ Alalahanin ninyo ang lumipas na panahon;Pag-isipan ninyo ang nagdaang mga henerasyon. Magtanong kayo sa inyong mga ama at magkukuwento sila;+Sa inyong matatandang lalaki, at sasabihin nila sa inyo.  ⁸ Nang ibigay ng Kataas-taasan sa mga bansa ang kanilang mana,+Nang paghiwa-hiwalayin niya ang mga anak ni Adan,*+Itinakda niya ang hangganan ng mga bayan+Ayon sa dami ng mga anak ni Israel.+  ⁹ Dahil ang bahagi ni Jehova ay ang kaniyang bayan;+Si Jacob ang kaniyang mana.+ ¹⁰ Nakita niya ito sa ilang+At sa isang disyertong tiwangwang at umaalulong.+ Pinalibutan niya ito para ipagsanggalang at inalagaan ito+At iningatan na gaya ng itim ng kaniyang mata.+ ¹¹ Kung paanong tinuturuang lumipad ng isang agila ang mga inakáy niya,Umaali-aligid siya sa mga ito,Ibinubuka ang mga pakpak niya at kinukuha ang mga itoAt binubuhat sa mga bagwis niya,+ ¹² Si Jehova lang ang pumapatnubay sa kaniya;*+Wala siyang kasamang diyos ng mga banyaga.+ ¹³ Ipinasakop Niya sa kaniya ang matataas na lugar sa lupa,+Kaya kinain niya ang bunga ng lupain.+ Pinakain Niya siya ng pulot-pukyutan mula sa malaking batoAt binigyan ng langis mula sa bato,* ¹⁴ Mantikilya mula sa bakahan at gatas mula sa kawan,Pati ng pinakapiling* mga tupa,Mga lalaking tupa ng Basan, at mga lalaking kambing,Pati ng pinakamagandang klase* ng trigo;+At uminom ka ng alak mula sa katas* ng ubas. ¹⁵ Nang tumaba si Jesurun,* sinipa niya ang may-ari sa kaniya. Ikaw ay tumaba, lumapad, at nabundat.+ Kaya iniwan niya ang Diyos, na lumikha sa kaniya,+At hinamak ang Bato ng kaniyang kaligtasan. ¹⁶ Ginalit nila siya dahil sa mga diyos ng mga banyaga;+Sinasaktan nila siya sa pamamagitan ng kasuklam-suklam na mga bagay.+ ¹⁷ Hindi sila sa Diyos naghahandog, kundi sa mga demonyo,+Mga diyos na hindi nila kilala,Mga bagong diyos na kamakailan lang dumating,Mga diyos na hindi kilala ng mga ninuno ninyo. ¹⁸ Kinalimutan mo ang Bato,+ na siyang ama mo,At hindi mo inalaala ang Diyos na nagsilang sa iyo.+ ¹⁹ Nang makita iyon ni Jehova, itinakwil Niya sila+Dahil sinaktan Siya ng kaniyang mga anak na lalaki at babae. ²⁰ Kaya sinabi Niya, ‘Hindi ko sila tutulungan;*+Titingnan ko kung ano ang mangyayari sa kanila. Dahil sila ay masamang henerasyon,+Mga anak na taksil.+ ²¹ Ginalit* nila ako dahil sa pagsamba sa hindi naman diyos;+Sinaktan nila ako sa pamamagitan ng walang-silbing mga idolo nila.+ Kaya pipili ako ng isang walang-kuwentang bayan para magselos sila;+Gagalitin ko sila gamit ang isang bansa na walang unawa.+ ²² Dahil sa galit ko, may nagliyab na apoy+Na tutupok hanggang sa kailaliman ng Libingan;*+Susunugin nito ang lupa at ang bunga nitoAt paglalagablabin ang pundasyon ng mga bundok. ²³ Pararamihin ko ang kapahamakan nila;Uubusin ko sa kanila ang aking mga palaso. ²⁴ Manlulupaypay sila sa gutom,+Mag-aapoy sa lagnat, at daranas ng matinding pagkapuksa.+ Magpapadala ako sa kanila ng mababangis na hayop+At makamandag na mga reptilya na gumagapang sa lupa. ²⁵ Ang mga nasa labas ay mauulila sa pamamagitan ng espada;+Ang mga nasa loob ay manghihilakbot,+Ang binata at dalaga,Ang sanggol at ang puti na ang buhok.+ ²⁶ Sasabihin ko sana: “Pangangalatin ko sila;Buburahin ko sa sangkatauhan ang alaala nila,” ²⁷ Pero nag-aalala ako sa sasabihin ng mga kaaway;+Baka magkaroon ng maling akala ang mga kalaban.+ Baka sabihin nila: “Nagtagumpay tayo dahil sa lakas natin;+Hindi si Jehova ang gumawa nito.” ²⁸ Dahil sila ay isang bansang hindi marunong*At hindi makaunawa.+ ²⁹ Kung marunong lang sana sila!+ Pag-iisipan nila itong mabuti.+ Pag-iisipan nila ang kahihinatnan nila.+ ³⁰ Paano matutugis ng isa ang 1,000,At maitataboy ng dalawa ang 10,000?+ Malibang pabayaan sila ng kanilang Bato+At isuko sila ni Jehova. ³¹ Dahil ang kanilang bato ay hindi gaya ng ating Bato,+Alam iyan kahit ng mga kaaway natin.+ ³² Dahil ang punong ubas nila ay gaya ng punong ubas mula sa SodomaAt mula sa taniman* ng Gomorra.+ Ang mga ubas nila ay lason;Mapapait ang mga kumpol nito.+ ³³ Ang alak nila ay ang kamandag ng ahas,Ang nakamamatay na lason ng mga kobra. ³⁴ Hindi ba itinabi ko iyonAt maingat na itinago sa imbakan ko?+ ³⁵ Akin ang paghihiganti, at ako ang magpaparusa,+Sa panahong itinakda kung kailan madudulas ang paa nila,+Dahil malapit na ang araw ng kapahamakan nila,At mabilis na dumarating ang sasapitin nila.’ ³⁶ Dahil hahatulan ni Jehova ang bayan niya,+At maaawa siya sa mga lingkod niya+Kapag nakita niyang naubos na ang lakas nila,At ang walang kalaban-laban at mahina na lang ang natira. ³⁷ At sasabihin niya, ‘Nasaan ang mga diyos nila,+Ang batong ginawa nilang kanlungan, ³⁸ Na kumakain ng taba ng* mga hain nila,At umiinom ng alak ng mga handog na inumin nila?+ Kumilos sila ngayon para tulungan kayo. Maging kanlungan sila para sa inyo. ³⁹ Makikita ninyo ngayon na ako nga ang Diyos,+At walang ibang diyos maliban sa akin.+ Pumapatay ako at bumubuhay.+ Nanunugat ako+ at nagpapagaling,+At walang makakaagaw ng sinuman sa kamay ko.+ ⁴⁰ Itinataas ko ang aking kamay sa langit,At isinusumpa ko: “Kung paanong buháy ako magpakailanman,”+ ⁴¹ Kapag pinatalas ko na ang aking makintab na espadaAt naghanda na ako para humatol,+Maghihiganti ako sa mga kaaway ko+At magpaparusa sa mga napopoot sa akin. ⁴² Lalasingin ko sa dugo ang aking mga palaso,At kakain ng laman ang espada ko,Sa dugo ng mga napatay at nabihag,Sa mga ulo ng mga lider ng kaaway.’ ⁴³ Matuwa kayo, mga bansa, kasama ang bayan niya,+Dahil ipaghihiganti niya ang dugo ng mga lingkod niya,+At maghihiganti siya sa mga kalaban niya+At magbabayad-sala para sa* lupa ng bayan niya.” ⁴⁴ Kaya humarap si Moises sa bayan at binigkas ang lahat ng salita sa awit na ito,+ siya at si Hosea*+ na anak ni Nun. ⁴⁵ Pagkatapos itong bigkasin ni Moises sa buong Israel, ⁴⁶ sinabi niya: “Isapuso ninyo ang lahat ng babala na ibinigay ko sa inyo ngayon,+ para maiutos ninyo sa inyong mga anak na sunding mabuti ang lahat ng salita sa Kautusang ito.+ ⁴⁷ Mahalaga ang salitang ito; nakasalalay rito ang inyong buhay,+ at sa pamamagitan ng salitang ito, puwede kayong mabuhay nang mahaba sa lupaing magiging pag-aari ninyo pagtawid ng Jordan.” ⁴⁸ Nang araw ding ito, sinabi ni Jehova kay Moises: ⁴⁹ “Umakyat ka sa bundok ng Abarim,+ sa Bundok Nebo,+ na nasa lupain ng Moab, na nakaharap sa Jerico, at tingnan mo ang lupain ng Canaan, na ibinibigay ko sa mga Israelita bilang pag-aari.+ ⁵⁰ At mamamatay ka sa bundok na aakyatin mo at ililibing gaya ng mga ninuno mo,* gaya ng kapatid mong si Aaron na namatay sa Bundok Hor+ at inilibing gaya ng mga ninuno niya,* ⁵¹ dahil pareho kayong hindi naging tapat sa akin sa gitna ng mga Israelita may kaugnayan sa tubig sa Meriba+ ng Kades, sa ilang ng Zin; hindi ninyo ako pinabanal sa gitna ng bayang Israel.+ ⁵² Makikita mo ang lupain mula sa malayo, pero hindi ka makakapasok sa lupaing ibinibigay ko sa bayang Israel.”+