Ezekiel 28:1-26
28 Dumating ulit sa akin ang salita ni Jehova:
2 “Anak ng tao, sabihin mo sa lider ng Tiro, ‘Ito ang sinabi ng Kataas-taasang Panginoong Jehova:
“Dahil naging mapagmataas ang puso mo,+ lagi mong sinasabi, ‘Ako ay diyos.
Nakaupo ako sa trono ng isang diyos sa gitna ng dagat.’+
Pero tao ka lang at hindi diyos,Kahit pa sa puso mo ay diyos ka.
3 Mas matalino ka kaysa kay Daniel.+
Walang sekreto na hindi mo nalalaman.
4 Pinayaman mo ang sarili mo sa pamamagitan ng iyong karunungan at kaunawaan,At patuloy kang nag-iimbak ng ginto at pilak sa iyong mga kabang-yaman.+
5 Yumaman ka nang husto dahil sa husay mo sa negosyo,+At naging mapagmataas ang puso mo dahil sa yaman mo.”’
6 “‘Kaya ito ang sinabi ng Kataas-taasang Panginoong Jehova:
“Dahil sa puso mo ay diyos ka,
7 Magpapadala ako ng mga banyagang lalaban sa iyo, ang pinakamalulupit sa mga bansa,+At gamit ang kanilang espada, sisirain nila ang lahat ng magagandang bagay na nakuha mo dahil sa iyong karununganAt lalapastanganin ang iyong karingalan.+
8 Ibababa ka nila sa hukay,*At magiging marahas ang kamatayan mo sa gitna ng dagat.+
9 Sasabihin mo pa rin ba sa papatay sa iyo, ‘Ako ay diyos’?
Tao ka lang sa kamay ng lalapastangan sa iyo, at hindi isang diyos.”’
10 ‘Sa kamay ng mga banyaga, mararanasan mo ang kamatayan ng mga di-tuli,Dahil ako mismo ang nagsalita,’ ang sabi ng Kataas-taasang Panginoong Jehova.”
11 Dumating ulit sa akin ang salita ni Jehova:
12 “Anak ng tao, umawit ka ng isang awit ng pagdadalamhati tungkol sa hari ng Tiro, at sabihin mo sa kaniya, ‘Ito ang sinabi ng Kataas-taasang* Panginoong Jehova:
“Ikaw ay modelo ng pagiging perpekto,*Napakarunong+ at sukdulan sa kagandahan.+
13 Ikaw ay nasa Eden, ang hardin ng Diyos.
Pinalamutian ka ng lahat ng mamahaling bato—Rubi, topacio, at jaspe; crisolito, onix, at jade; safiro, turkesa,+ at esmeralda;At yari sa ginto ang lalagyan* ng mga ito.
Inihanda ang mga ito nang araw na lalangin* ka.
14 Ikaw ang kerubing pinili* para magsanggalang.
Ikaw ay nasa banal na bundok ng Diyos,+ at naglalakad ka sa maaapoy na bato.
15 Walang kapintasan ang landasin mo mula nang araw na lalangin kaHanggang sa may nakitang kasamaan sa iyo.+
16 Dahil malakas ang negosyo mo,+Napuno ka ng karahasan, at nagsimula kang magkasala.+
Kaya paaalisin kita sa bundok ng Diyos bilang lapastangan, at pupuksain kita,+O kerubin na nagsasanggalang, at mapapalayo ka sa maaapoy na bato.
17 Naging mapagmataas ang puso mo dahil sa iyong kagandahan.+
Sinayang mo ang karunungan mo dahil sa iyong karilagan.+
Ihahagis kita sa lupa.+
Gagawin kitang panoorin ng mga hari.
18 Dahil sa laki ng iyong pagkakasala at di-tapat na pagnenegosyo, nilapastangan mo ang iyong mga santuwaryo.
Magpapalabas ako ng apoy sa gitna mo, at lalamunin ka nito.+
Gagawin kitang abo sa ibabaw ng lupa sa harap ng lahat ng nakatingin sa iyo.
19 Lahat ng nakakakilala sa iyo sa gitna ng mga bayan ay titingin sa iyo at matutulala.+
Ang wakas mo ay magiging biglaan at kakila-kilabot,At lubusan ka nang maglalaho.”’”+
20 Dumating ulit sa akin ang salita ni Jehova:
21 “Anak ng tao, humarap ka sa direksiyon ng Sidon+ at humula laban sa kaniya.
22 Sabihin mo, ‘Ito ang sinabi ng Kataas-taasang Panginoong Jehova:
“Kikilos ako laban sa iyo, O Sidon, at maluluwalhati ako sa gitna mo;At malalaman ng mga tao na ako si Jehova kapag naglapat ako ng hatol sa kaniya at napabanal ako dahil sa kaniya.
23 Padadalhan ko siya ng salot at aagos ang dugo sa mga lansangan niya.
Ang mga tao ay mamamatay sa gitna niya kapag sinalakay siya ng espada mula sa lahat ng direksiyon;At malalaman nila na ako si Jehova.+
24 “‘“At ang sambahayan ng Israel ay hindi na mapapalibutan ng matitinik at nakasusugat na halaman,+ ang mga humahamak sa kanila; at malalaman ng mga tao na ako ang Kataas-taasang Panginoong Jehova.”’
25 “‘Ito ang sinabi ng Kataas-taasang Panginoong Jehova: “Kapag muli kong tinipon ang sambahayan ng Israel mula sa mga bayan kung saan sila nangalat,+ mapababanal ako dahil sa kanila sa harap ng mga bansa.+ At maninirahan sila sa kanilang lupain+ na ibinigay ko sa lingkod kong si Jacob.+
26 Maninirahan sila roon nang panatag+ at magtatayo ng bahay at magtatanim ng ubas,+ at maninirahan sila nang panatag kapag inilapat ko ang hatol sa lahat ng nakapalibot sa kanila na humahamak sa kanila;+ at malalaman nila na ako ang Diyos nilang si Jehova.”’”
Talababa
^ O “libingan.”
^ Lit., “ay nagtatatak ng isang parisan.”
^ O “Soberanong.”
^ O “enggaste.”
^ O “likhain.”
^ Lit., “pinahiran.”