Isaias 23:1-18
23 Mensahe tungkol sa Tiro:+
Humagulgol kayo, kayong mga barko ng Tarsis!+
Dahil nawasak ang daungan; hindi na iyon mapapasok.
Sa lupain ng Kitim+ ay ibinalita iyon sa kanila.
2 Tumahimik kayo, kayong mga nakatira sa lupain sa tabing-dagat.
Ang mga negosyante mula sa Sidon+ na tumawid ng dagat ay nagpayaman sa iyo.
3 Itinawid sa malawak na karagatan ang mga butil* ng Sihor,*+Ang ani ng Nilo, na pinagkakakitaan niyaAt nagdadala ng yaman ng mga bansa.+
4 Mahiya ka, O Sidon; ikaw na tanggulan ng dagat,Dahil sinabi ng dagat:
“Hindi ko pa naranasan ang hirap ng panganganak, at hindi pa ako nanganak.Hindi pa ako nakapagpalaki ng mga anak na lalaki o babae.”*+
5 Gaya noong mapabalita ang nangyari sa Ehipto,+Maliligalig ang mga tao kapag narinig nila ang balita tungkol sa Tiro.+
6 Tumawid kayo papuntang Tarsis!
Humagulgol kayo, kayong mga nakatira sa lupain sa tabing-dagat!
7 Ito ba ang lunsod ninyo na matagal nang nagsasaya, mula pa nang sinaunang mga araw niya?
Dinadala siya noon ng mga paa niya sa malalayong lupain para doon manirahan.
8 Sino ang nagpasiya nito laban sa Tiro,Ang tagapagbigay ng mga korona,Na ang mga negosyante ay matataas na opisyal,Na ang mga mangangalakal ay kinikilala sa buong mundo?+
9 Si Jehova ng mga hukbo ang nagpasiya nito,Na wakasan ang pagmamalaki niya sa kaniyang kagandahan,Na ipahiya ang lahat ng kinikilala sa buong mundo.+
10 Tumawid ka sa iyong lupain na gaya ng Ilog Nilo, O anak na babae ng Tarsis.
Wala nang gawaan ng barko.*+
11 Iniunat niya ang kamay niya sa ibabaw ng dagat;Niyanig niya ang mga kaharian.
Si Jehova mismo ang nag-utos na wasakin ang mga tanggulan ng Fenicia.+
12 At sinasabi niya: “Hindi ka na makapagsasaya,+O ikaw na pinahihirapan, anak na dalaga ng Sidon.
Bumangon ka, tumawid ka papunta sa Kitim.+
Kahit doon ay hindi ka magiging panatag.”
13 Tingnan ninyo ang lupain ng mga Caldeo!+
Ito ang bayan—hindi ang Asirya+—Ginawa nila siyang* isang lugar para sa mga hayop na pagala-gala sa disyerto.
Itinayo nila ang kanilang mga toreng pandigma;Giniba nila ang kaniyang matitibay na tore+At dinurog siya.
14 Humagulgol kayo, kayong mga barko ng Tarsis,Dahil nawasak ang tanggulan ninyo.+
15 Sa araw na iyon, malilimutan ang Tiro nang 70 taon,+ kasinghaba ng buhay* ng isang hari. Pagkatapos ng 70 taon, mangyayari sa Tiro ang gaya ng nasa awit ng isang babaeng bayaran:
16 “Kumuha ka ng alpa, lumibot ka sa lunsod, O babaeng bayaran na nalimutan.
Galingan mo ang pagtugtog ng alpa;Kumanta ka ng maraming awitPara maalaala ka nila.”
17 Pagkatapos ng 70 taon, bibigyang-pansin ni Jehova ang Tiro, at babalik siya sa dati niyang pamumuhay* at ibebenta ang sarili sa lahat ng kaharian sa ibabaw ng lupa.
18 Pero ang kinita niya at ang ibinayad sa kaniya ay magiging banal kay Jehova. Hindi ito iimbakin o itatago, dahil ang ibinayad sa kaniya ay ibibigay sa mga naninirahan sa harap ni Jehova, para makakain sila hanggang sa mabusog at makapagsuot ng magagarang damit.+
Talababa
^ Lit., “ang binhi.”
^ Sanga ng Ilog Nilo.
^ Lit., “birhen.”
^ O posibleng “nang daungan.”
^ Posibleng tumutukoy sa Tiro.
^ Lit., “mga araw.”
^ Lit., “sa kaniyang upa.”