Isaias 55:1-13
55 Halikayo, lahat kayong nauuhaw,+ halikayo sa tubig!+
Kayong mga walang pera, halikayo, bumili kayo at kumain!
Oo, halikayo, bumili kayo ng alak at gatas+ nang walang kapalit na pera o anumang bayad.+
2 Bakit kayo nagbabayad para sa hindi naman tinapay,At bakit ninyo ginagastos ang kita* ninyo sa hindi naman nakakabusog?
Makinig kayong mabuti sa akin, at kumain kayo ng bagay na mabuti,+At masisiyahan kayo sa masasarap na pagkain.*+
3 Makinig kayo at lumapit sa akin.+
Makinig kayo, at patuloy kayong mabubuhay,At makikipagtipan ako sa inyo ng isang walang-hanggang tipan+Kaayon ng mapagkakatiwalaan* kong pangako na magpakita ng tapat na pag-ibig kay David.+
4 Ginawa ko siyang saksi+ sa mga bansa,Isang lider+ at kumandante+ sa mga bansa.
5 Tatawagin mo ang isang bansa na hindi mo kilala,At ang mga galing sa bansa na hindi nakakakilala sa iyo ay tatakbo sa iyoAlang-alang kay Jehova na iyong Diyos,+ ang Banal ng Israel,Dahil luluwalhatiin ka niya.+
6 Hanapin ninyo si Jehova habang makikita pa siya.+
Tumawag kayo sa kaniya habang malapit siya.+
7 Iwan ng masama ang landas niya,+Alisin ng masama ang mga kaisipan niya;Manumbalik siya kay Jehova, na maaawa sa kaniya,+Sa ating Diyos, dahil magpapatawad siya nang lubusan.*+
8 “Dahil ang mga kaisipan ko ay hindi ninyo mga kaisipan,+At ang pamamaraan ninyo ay hindi ko pamamaraan,” ang sabi ni Jehova.
9 “Dahil kung paanong ang langit ay mas mataas kaysa sa lupa,Ang pamamaraan ko ay mas mataas kaysa sa pamamaraan ninyoAt ang mga kaisipan ko kaysa sa mga kaisipan ninyo.+
10 Dahil kung paanong ang ulan at niyebe ay bumubuhos mula sa langitAt hindi bumabalik doon hanggang sa madilig ng mga ito ang lupa, para tubuan iyon ng pananim at mamungaAt magbigay ng binhi sa manghahasik at ng tinapay sa kumakain,
11 Magiging gayon ang salitang lumalabas sa bibig ko.+
Hindi ito babalik sa akin nang walang resulta,+Kundi talagang gagawin nito ang anumang gusto* ko,+At siguradong magtatagumpay ito sa dapat nitong isakatuparan.
12 Dahil lalabas kayo na nagsasaya,+At ibabalik kayo nang payapa.+
Ang mga bundok at burol ay magsasaya sa harap ninyo nang may hiyaw ng kagalakan,+At ang lahat ng puno sa parang ay papalakpak.+
13 Sa halip na matitinik na halaman* ay puno ng enebro ang tutubo,+At sa halip na nakatutusok na kulitis ay puno ng mirto ang tutubo.
At magbibigay iyon ng karangalan* kay Jehova,+Isang walang-hanggang tanda na hindi maglalaho.”
Talababa
^ O “pinagpagurang pera.”
^ Lit., “sa katabaan.”
^ O “tapat; mapananaligan.”
^ O “dahil handa siyang magpatawad.”
^ O “kalooban.”
^ O “palumpong.”
^ O “gagawa iyon ng pangalan para.”