Job 16:1-22
16 Sumagot si Job:
2 “Marami na akong narinig na ganiyan.
Imbes na aliwin ako, lalo pa ninyo akong pinahihirapan!+
3 Hindi ba matatapos ang walang-saysay na* pagsasalita?
Bakit ganiyan ka* sumagot?
4 Kaya ko ring magsalitang gaya ninyo.
Kung kayo ang nasa kalagayan ko,Marami rin akong masasabi laban sa inyo,At iiling ako sa inyo.+
5 Pero sa halip na gawin iyon, papatibayin ko kayo ng aking mga salita,At magiginhawahan kayo sa pang-aliw na sasabihin ko.*+
6 Kapag nagsasalita ako, hindi naiibsan ang nararamdaman kong kirot;+Kapag nananahimik naman ako, hindi rin nawawala ang kirot.
7 Pero ngayon ay pinanlupaypay ako ng Diyos;+Nagpasapit siya ng kapahamakan sa buong sambahayan ko.*
8 Sinusunggaban mo* rin ako, at nakikita iyon ng iba;Ang sobrang kapayatan ko ay parang testigo laban sa akin.
9 Ang galit niya ang lumuluray sa akin, at nagkikimkim siya ng matinding galit sa akin.+
Pinagngangalit niya ang mga ngipin niya dahil sa akin.
Pinanlilisikan ako ng mga mata ng kalaban ko.+
10 Ibinuka nila ang bibig nila para lamunin ako.+Tinuya nila ako at sinampal;Marami silang nagtitipon laban sa akin.+
11 Ibinibigay ako ng Diyos sa mga batang lalaki,At inihahagis niya ako sa kamay ng masasama.+
12 Panatag ako noon, pero sinira niya ang buhay ko;+Hinawakan niya ako sa batok at isinubsob sa lupa;At pinuntirya niya ako.
13 Pinapalibutan ako ng kaniyang mga mamamanà;+Walang awa niyang pinapana ang mga bato ko;+Ibinubuhos niya sa lupa ang apdo ko.
14 Para akong pader na paulit-ulit niyang binubutas;Sumusugod siya sa akin na gaya ng mandirigma.
15 Nagtahi ako ng telang-sako at isinuot ito,+At ibinaon ko na sa lupa ang dangal* ko.+
16 Namumula ang mukha ko dahil sa pag-iyak+At nangingitim ang* paligid ng mga mata ko
17 Kahit wala naman akong sinaktanAt taimtim ang panalangin ko.
18 O lupa, huwag mong takpan ang dugo ko!+
At hayaan mo itong dumaing para sa akin!
19 Pero ngayon pa lang, may testigo na ako sa langit;Ang makapagpapatotoo tungkol sa akin ay nasa kaitaasan.
20 Tinutuya ako ng mga kasamahan ko+Habang umiiyak ako* sa Diyos.+
21 Magkaroon nawa ng tagapamagitan sa tao at sa Diyos,Kung paanong may tagapamagitan sa dalawang tao.+
22 Dahil ilang taon na langAt pupunta na ako sa landas na walang balikan.+
Talababa
^ O “walang-patumanggang.”
^ Si Elipaz.
^ Lit., “ng mga labi ko.”
^ O “sa mga nagtitipong kasama ko.”
^ Tumutukoy sa Diyos.
^ O “lakas.” Lit., “sungay.”
^ O “At ang anino ng kamatayan ay nasa.”
^ O posibleng “Habang napupuyat ako sa paghihintay.”