15  Ang lupaing ibinigay+ sa tribo ni Juda* para sa kanilang mga pamilya ay hanggang sa hangganan ng Edom,+ ilang ng Zin, at hanggang sa Negeb sa dulo nito sa timog. ² Ang hangganan nila sa timog ay mula sa dulo ng Dagat Asin,*+ sa look nito sa timog, ³ at patimog pa sa paakyat na daan ng Akrabim,+ lalampas ng Zin, at mula sa timog ay paahon sa Kades-barnea,+ patawid ng Hezron, hanggang sa Addar, at paikot sa Karka. ⁴ Lalampas ito sa Azmon+ hanggang sa Wadi* ng Ehipto,+ at ang dulo ay sa Dagat.* Ito ang kanilang hangganan sa timog. ⁵ Ang hangganan sa silangan ay ang Dagat Asin* hanggang sa dulo ng Jordan, at ang hangganan sa hilaga ay mula sa look ng dagat, sa dulo ng Jordan.+ ⁶ Ang hangganan ay paahon sa Bet-hogla+ at lalampas sa hilaga ng Bet-araba+ at paahon sa bato ni Bohan+ na anak ni Ruben. ⁷ Ang hangganan ay paakyat sa Debir sa Lambak* ng Acor+ at liliko pahilaga sa Gilgal,+ na nasa tapat ng paakyat na daan ng Adumim sa timog ng wadi, at ang hangganan ay patawid sa bukal ng En-semes,+ at ang dulo nito ay sa En-rogel.+ ⁸ Ang hangganan ay paahon pa ng Lambak ng Anak ni Hinom+ papunta sa dalisdis ng mga Jebusita+ sa timog, ang Jerusalem,+ at paakyat sa tuktok ng bundok, na nasa tapat ng Lambak ng Hinom sa kanluran at nasa dulo ng Lambak* ng Repaim sa hilaga. ⁹ Mula sa tuktok ng bundok, ang hangganan ay nagpatuloy sa bukal ng tubig ng Neptoa+ at hanggang sa mga lunsod ng Bundok Epron at hanggang sa Baala, na tinatawag ding Kiriat-jearim.+ ¹⁰ At ang hangganan ay umikot mula sa Baala pakanluran sa Bundok Seir, tumawid sa Kesalon na nasa dalisdis ng Bundok Jearim sa hilaga, bumaba sa Bet-semes,+ at tumawid sa Timnah.+ ¹¹ Ang hangganan ay nagpatuloy sa dalisdis ng Ekron+ sa hilaga hanggang sa Sikeron at tumawid sa Bundok Baala at nagpatuloy sa Jabneel, at ang dulo ng hangganan ay sa dagat. ¹² Ang hangganan sa kanluran ay sa Malaking Dagat*+ at ang baybayin nito. Ito ang mga hangganan sa palibot ng teritoryo ng mga pamilya ng tribo ni Juda. ¹³ At si Caleb+ na anak ni Jepune ay binigyan ni Josue ng isang bahagi sa lupain ng mga inapo ni Juda, gaya ng iniutos sa kaniya ni Jehova: ang Kiriat-arba (si Arba ay ama ni Anak), na tinatawag ding Hebron.+ ¹⁴ Kaya itinaboy ni Caleb mula roon ang tatlong anak ni Anak:+ sina Sesai, Ahiman, at Talmai.+ ¹⁵ Pagkatapos, umalis siya roon para makipagdigma sa mga nakatira sa Debir.+ (Ang Debir ay dating tinatawag na Kiriat-seper.) ¹⁶ Sinabi ni Caleb: “Ibibigay ko ang anak kong si Acsa para maging asawa ng lalaking makapagpapabagsak at makasasakop sa Kiriat-seper.” ¹⁷ At nasakop iyon ni Otniel+ na anak ni Kenaz,+ na kapatid ni Caleb. Kaya ibinigay niya rito ang anak niyang si Acsa+ para maging asawa nito. ¹⁸ Habang pauwi si Acsa, hinimok niya ang asawa niya na humingi ng bukid sa ama* niya. Pagkatapos, bumaba si Acsa sa kaniyang asno.* Tinanong siya ni Caleb: “Ano ang gusto mo?”+ ¹⁹ Sinabi ni Acsa: “Pakisuyo, bigyan ninyo ako ng pagpapala. Isang lupain sa timog* ang ibinigay ninyo sa akin, kaya ibigay rin ninyo sa akin ang Gulot-maim.”* Kaya ibinigay niya rito ang Mataas na Gulot at ang Mababang Gulot. ²⁰ Ito ang mana ng mga pamilya sa tribo ni Juda. ²¹ Ito ang mga lunsod sa dulong timog ng lupain ng tribo ni Juda sa may hangganan ng Edom:+ Kabzeel, Eder, Jagur, ²² Kina, Dimona, Adada, ²³ Kedes, Hazor, Itnan, ²⁴ Zip, Telem, Bealot, ²⁵ Hazor-hadata, at Keriot-hezron, na tinatawag ding Hazor, ²⁶ Amam, Sema, Molada,+ ²⁷ Hazar-gada, Hesmon, Bet-pelet,+ ²⁸ Hazar-sual, Beer-sheba,+ Biziotias, ²⁹ Baala, Iim, Ezem, ³⁰ Eltolad, Khesil, Horma,+ ³¹ Ziklag,+ Madmana, Sansana, ³² Lebaot, Silhim, Ain, at Rimon+—lahat-lahat, 29 na lunsod kasama ang mga pamayanan ng mga ito. ³³ Ito ang mga lunsod sa Sepela:+ Estaol, Zora,+ Asna, ³⁴ Zanoa, En-ganim, Tapua, Enam, ³⁵ Jarmut, Adulam,+ Socoh, Azeka,+ ³⁶ Saaraim,+ Aditaim, at Gedera at Gederotaim*—14 na lunsod at ang mga pamayanan ng mga ito. ³⁷ Ang Zenan, Hadasha, Migdal-gad, ³⁸ Dilean, Mizpe, Jokteel, ³⁹ Lakis,+ Bozkat, Eglon, ⁴⁰ Cabon, Lamam, Kitlis, ⁴¹ Gederot, Bet-dagon, Naama, at Makeda+—16 na lunsod at ang mga pamayanan ng mga ito. ⁴² Ang Libna,+ Eter, Asan,+ ⁴³ Ipta, Asna, Nezib, ⁴⁴ Keila, Aczib, at Maresa—siyam na lunsod at ang mga pamayanan ng mga ito. ⁴⁵ Ang Ekron, ang katabing mga nayon nito,* at ang mga pamayanan nito; ⁴⁶ mula sa Ekron pakanluran, ang lahat ng nasa tabi ng Asdod at ang mga pamayanan ng mga ito. ⁴⁷ Ang Asdod,+ ang katabing mga nayon nito, at ang mga pamayanan nito; ang Gaza,+ ang katabing mga nayon nito, at ang mga pamayanan nito, pababa sa Wadi ng Ehipto, sa Malaking Dagat,* at sa katabing rehiyon.+ ⁴⁸ At sa mabundok na rehiyon, ang Samir, Jatir,+ Socoh, ⁴⁹ Dana, Kiriat-sana, na tinatawag ding Debir, ⁵⁰ Anab, Estemo,+ Anim, ⁵¹ Gosen,+ Holon, at Gilo+—11 lunsod at ang mga pamayanan ng mga ito. ⁵² Ang Arab, Duma, Esan, ⁵³ Janim, Bet-tapua, Apeka, ⁵⁴ Humta, Kiriat-arba, na tinatawag ding Hebron,+ at Zior—siyam na lunsod at ang mga pamayanan ng mga ito. ⁵⁵ Ang Maon,+ Carmel, Zip,+ Juta, ⁵⁶ Jezreel, Jokdeam, Zanoa, ⁵⁷ Kain, Gibeah, at Timnah+—10 lunsod at ang mga pamayanan ng mga ito. ⁵⁸ Ang Halhul, Bet-zur, Gedor, ⁵⁹ Maarat, Bet-anot, at Eltekon—anim na lunsod at ang mga pamayanan ng mga ito. ⁶⁰ Ang Kiriat-baal, na tinatawag ding Kiriat-jearim,+ at Raba—dalawang lunsod at ang mga pamayanan ng mga ito. ⁶¹ Sa ilang ay ang Bet-araba,+ Midin, Secaca, ⁶² Nibsan, Lunsod ng Asin, at ang En-gedi+—anim na lunsod at ang mga pamayanan ng mga ito. ⁶³ Ang mga Jebusita+ na nakatira sa Jerusalem+ ay hindi naitaboy ng mga lalaki ng Juda,+ kaya ang mga Jebusita ay nakatira pa rin sa Jerusalem kasama ng bayan ng Juda hanggang sa araw na ito.