Ikalawang Samuel 22:1-51
22 Umawit si David kay Jehova+ nang araw na iligtas siya ni Jehova mula sa kamay ng mga kaaway niya+ at mula sa kamay ni Saul.+
2 Inawit niya:
“Si Jehova ang aking malaking bato at ang aking moog+ at tagapagligtas.+
3 Ang aking Diyos ang aking bato;+ sa kaniya ako nanganganlong,Ang aking kalasag+ at aking sungay* ng kaligtasan,* ang aking ligtas na kanlungan*+At lugar na matatakbuhan,+ ang aking tagapagligtas;+ inililigtas mo ako mula sa karahasan.
4 Tumatawag ako kay Jehova, na karapat-dapat purihin,At ililigtas niya ako sa mga kaaway ko.
5 Pinaghahampas ako ng nakamamatay na mga alon;+At natakot ako sa pagbaha ng walang-kuwentang mga tao.+
6 Ang mga lubid ng Libingan* ay pumulupot sa akin;+Ang mga bitag ng kamatayan ay sumalubong sa akin.+
7 Sa kagipitan ay tumawag ako kay Jehova,+Patuloy akong tumawag sa aking Diyos.
At mula sa kaniyang templo ay narinig niya ang tinig ko;Narinig niya ang paghingi ko ng tulong.+
8 Nayanig ang lupa at umuga;+Ang mga pundasyon ng langit ay nayanig+At umuga dahil ginalit siya.+
9 Umusok ang ilong niya,At lumabas sa bibig niya ang tumutupok na apoy;+Lumagablab ang nagniningas na mga baga mula sa kaniya.
10 Pinayuko niya ang langit nang bumaba siya;+Makapal at maitim na ulap ang tinutuntungan niya.+
11 Sumakay siya sa isang kerubin+ at dumating na lumilipad.
Kitang-kita siya sa ibabaw ng mga pakpak ng isang espiritu.*+
12 Pagkatapos, naglagay siya sa palibot niya ng kadiliman na parang tolda,+Ng maiitim at makakapal na ulap.
13 Mula sa liwanag sa harap niya ay lumagablab ang nagniningas na mga baga.
14 At nagpakulog si Jehova mula sa langit;+Ipinarinig ng Kataas-taasan ang kaniyang tinig.+
15 Nagpakawala siya ng mga palaso,+ at nagkawatak-watak ang mga kaaway;Nagpakidlat siya, at nalito sila.+
16 Lumitaw ang sahig ng dagat;+Nalantad ang mga pundasyon ng lupain dahil sa pagsaway ni Jehova,Dahil sa buga ng hangin mula sa kaniyang ilong.+
17 Mula sa kaitaasan ay inabot niya ako;Hinawakan niya ako at iniahon mula sa malalim na tubig.+
18 Iniligtas niya ako mula sa malakas kong kaaway,+Mula sa mga napopoot sa akin na mas malakas kaysa sa akin.
19 Sinalakay nila ako sa araw ng aking kagipitan,+Pero tinulungan ako ni Jehova.
20 Inilabas niya ako papunta sa isang ligtas* na lugar;+Iniligtas niya ako dahil nalulugod siya sa akin.+
21 Ginagantihan ni Jehova ang paggawa ko ng tama;+Ginagantimpalaan niya ako dahil malinis* ang aking mga kamay.+
22 Dahil sinunod ko ang mga daan ni Jehova,At hindi ako gumawa ng masama, hindi ko iniwan ang aking Diyos.
23 Ang lahat ng kahatulan* niya+ ay nasa harap ko;Hindi ako lilihis mula sa kaniyang mga kautusan.+
24 Mananatili akong malinis*+ sa harap niya,At lalayo ako sa kasalanan.+
25 Gantihan nawa ni Jehova ang paggawa ko ng tama,+Ang kalinisan* ko sa harap niya.+
26 Magiging tapat ka sa mga tapat;+Hindi mo pababayaan ang mga walang kapintasan.+
27 Sa mga taong dalisay ay ipinapakita mong dalisay ka,+Pero sa masasama ay ipinapakita mong matalino ka.*+
28 Dahil inililigtas mo ang mga mapagpakumbaba,+Pero ikaw ay laban sa mga mapagmataas, at ibinababa mo sila.+
29 Dahil ikaw ang aking lampara, O Jehova;+Pinagliliwanag ni Jehova ang kadiliman ko.+
30 Sa tulong mo ay malalabanan ko ang grupo ng mga mandarambong;Sa tulong ng kapangyarihan ng Diyos ay makaaakyat ako sa pader.+
31 Ang daan ng tunay na Diyos ay perpekto;+Ang salita ni Jehova ay dalisay.+
Isa siyang kalasag sa lahat ng nanganganlong sa kaniya.+
32 Dahil sino ang Diyos maliban kay Jehova?+
At sino ang bato maliban sa ating Diyos?+
33 Ang tunay na Diyos ang aking matibay na tanggulan,+At gagawin niyang perpekto ang aking daan.+
34 Ang mga paa ko ay ginagawa niyang gaya ng sa usa;Pinatatayo niya ako sa matataas na lugar.+
35 Sinasanay niya ang mga kamay ko sa pakikipagdigma;Nababaluktot ng mga bisig ko ang tansong pana.
36 Ibinibigay mo sa akin ang iyong kalasag ng kaligtasan,At nagiging dakila ako dahil sa iyong kapakumbabaan.+
37 Pinalalapad mo ang nilalakaran ko;Hindi madudulas ang aking mga paa.+
38 Hahabulin ko at lilipulin ang mga kaaway ko;Hindi ako babalik hangga’t hindi sila nauubos.
39 Pupuksain ko sila at dudurugin, at hindi na sila makababangon;+Babagsak sila sa paanan ko.
40 Bibigyan mo ako ng lakas para sa pakikipagdigma;+Pababagsakin mo sa harap ko ang aking mga kalaban.+
41 Pauurungin mo ang mga kaaway ko;*+Pupuksain* ko ang mga napopoot sa akin.+
42 Humihingi sila ng tulong, pero walang nagliligtas sa kanila;Tumatawag pa nga sila kay Jehova, pero hindi niya sila sinasagot.+
43 Dudurugin ko sila nang pino na gaya ng alabok;Pupulbusin ko sila at tatapakang gaya ng putik sa lansangan.
44 Ililigtas mo ako mula sa pamimintas ng aking bayan.+
Iingatan mo ako para maging pinuno ng mga bansa;+Paglilingkuran ako ng bayan na hindi ko kilala.+
45 Nakayukong lalapit sa akin ang mga dayuhan;+Dahil sa maririnig nila tungkol sa akin ay mapapasunod ko sila.*
46 Panghihinaan ng loob* ang mga dayuhan;Lalabas silang nanginginig mula sa kanilang mga kuta.
47 Buháy si Jehova! Purihin ang aking Bato!+
Dakilain nawa ang Diyos, ang Bato na tagapagligtas ko.+
48 Ang tunay na Diyos ang tagapaghiganti ko;+Isinusuko niya sa akin ang mga bayan;+
49 Inililigtas niya ako sa mga kaaway ko.
Itinataas mo ako+ mula sa mga sumasalakay sa akin;Sinasagip mo ako mula sa taong marahas.+
50 Kaya pasasalamatan kita, O Jehova, sa gitna ng mga bansa,+At aawitan ko ng mga papuri ang* iyong pangalan:+
51 Kamangha-mangha ang mga pagliligtas niya* sa kaniyang hari;+Nagpapakita siya ng tapat na pag-ibig sa kaniyang pinili,*Kay David at sa mga supling* niya magpakailanman.”+
Talababa
^ O “at aking makapangyarihang tagapagligtas.”
^ O “aking mataas at ligtas na lugar.”
^ O “hangin.”
^ O “maluwang.”
^ O “walang-sala.”
^ O “batas.”
^ O “walang-sala.”
^ O “pagiging walang-sala.”
^ O posibleng “ay kikilos ka nang kakatwa.”
^ O “Ibibigay mo sa akin ang likod ng mga kaaway ko.”
^ Lit., “Patatahimikin.”
^ Lit., “Sa pagkarinig ng tainga, susunod sila sa akin.”
^ O “Maglalaho.”
^ O “At aawit ako at tutugtog para sa.”
^ O “Nagbibigay siya ng malalaking tagumpay.”
^ Lit., “pinahiran.”
^ Lit., “sa binhi.”
