Ang Awit ni Solomon 2:1-17
2 “Isa lang akong safron* sa kapatagan,*Isang liryo* sa mga lambak.”+
2 “Gaya ng liryo sa gitna ng mga tinikAng mahal ko sa gitna ng mga dalaga.”
3 “Gaya ng puno ng mansanas sa gitna ng mga puno sa kagubatanAng mahal ko sa gitna ng mga binata.
Gustong-gusto kong umupo sa kaniyang lilimAt kainin ang matamis niyang bunga.
4 Isinama niya ako sa isang handaan,*At kitang-kita ng lahat na ako ang mahal niya.
5 Bigyan ninyo ako ng pasas+ at mansanasPara sumigla ako at lumakas;Nanghihina ako dahil sa pag-ibig.
6 Hinahaplos ng kaliwang kamay niya ang ulo ko,At nakayakap sa akin ang kanang kamay niya.+
7 Sumumpa kayo, O mga anak na babae ng Jerusalem,Sa harap ng mga gasela+ at babaeng usa sa parang:
Huwag ninyong gisingin sa akin ang pag-ibig na hindi ko nararamdaman.+
8 Naririnig ko na ang mahal ko!
Parating na siya!Umaakyat sa mga bundok, lumulukso sa mga burol.
9 Ang sinta ko ay gaya ng gasela, gaya ng batang lalaking usa.+
Hayun siya, nakatayo sa likod ng aming pader,Nagmamasid sa mga bintana,Tumatanaw sa pagitan ng mga sala-sala.
10 Nagsalita ang sinta ko, sinabi niya sa akin:
‘Bumangon ka, mahal kong napakaganda,Sumama ka sa akin.
11 Tapos na ang taglamig.*
Tumigil na ang pag-ulan.
12 Tumubo na ang mga bulaklak sa lupain,+Dumating na ang panahon ng pagtatabas,+At naririnig na sa ating lupain ang awit ng batubato.+
13 Hinog na ang mga unang bunga ng puno ng igos;+Namumulaklak na at nalalanghap ang bango ng mga punong ubas.
Bumangon ka, mahal kong napakaganda,
Sumama ka sa akin.
14 O kalapati ko na nasa mga puwang ng malaking bato,+Na nasa mga uka ng bangin,Gusto kitang makita at gusto kong marinig ang boses mo,+Dahil maganda ka at malambing ang boses mo.’”+
15 “Hulihin ninyo ang mga asong-gubat* para sa amin,Ang maliliit na asong-gubat na naninira ng ubasan,Dahil namumulaklak na ang mga ubasan namin.”
16 “Ang sinta ko ay akin at ako ay kaniya.+
Nagpapastol siya+ sa gitna ng mga liryo.+
17 Bago maging mahangin* at mawala ang mga anino,Magmadali kang bumalik, O sinta ko,Gaya ng gasela+ o ng batang lalaking usa+ na nasa mga bundok na naghihiwalay sa atin.*
Talababa
^ Isang uri ng bulaklak.
^ Lit., “baybaying kapatagan.”
^ Isang uri ng bulaklak.
^ Lit., “sa bahay ng alak.”
^ O “tag-ulan.”
^ Sa Ingles, fox.
^ Lit., “huminga ang araw.”
^ O posibleng “mga bundok na may uka.” O “mga bundok ng Beter.”