Mga Awit 140:1-13
Para sa direktor. Awit ni David.
140 Iligtas mo ako, O Jehova, mula sa masasama;Protektahan mo ako mula sa mararahas,+
2 Sa mga nagpapakana ng masama sa puso nila+At gumagawa ng gulo buong araw.
3 Pinatatalas nila ang dila nila na gaya ng sa ahas;+Kamandag ng mga ulupong ang nasa bibig nila.+ (Selah)
4 Protektahan mo ako, O Jehova, mula sa mga kamay ng masasama;+Bantayan mo ako mula sa mararahas,Sa mga nagpapakanang tisurin ako.
5 Ang mga mapagmataas ay nagtago ng bitag para sa akin;Gamit ang mga lubid, naglatag sila ng lambat sa tabi ng daan.+
Naglagay sila ng mga patibong para sa akin.+ (Selah)
6 Sinabi ko kay Jehova: “Ikaw ang aking Diyos.
Dinggin mo, O Jehova, ang paghingi ko ng tulong.”+
7 O Jehova na Kataas-taasang Panginoon, ang makapangyarihan kong Tagapagligtas,Sa araw ng digmaan ay pinoprotektahan mo ang ulo ko.+
8 O Jehova, huwag mong ibigay ang gusto ng masasama.
Huwag mong hayaang magtagumpay ang mga pakana nila para hindi sila magmalaki.+ (Selah)
9 Mangyari nawa sa mga pumapalibot sa akinAng kasamaang binigkas ng mga labi nila.+
10 Maulanan nawa sila ng nagniningas na mga baga.+
Ihagis nawa sila sa apoy,Sa malalalim na hukay,*+ at hindi na makabangon pa.
11 Mawalan sana ng lugar sa lupa* ang maninirang-puri.+
Habulin nawa ng kasamaan ang mararahas at pabagsakin sila.
12 Alam kong ipagtatanggol ni Jehova ang mga hamakAt bibigyan ng katarungan ang mga dukha.+
13 Tiyak na magpapasalamat sa pangalan mo ang mga matuwid;Ang mga tapat ay maninirahan sa harap mo.*+