Mga Awit 26:1-12
Awit ni David.
26 Hatulan mo ako, O Jehova, dahil lumakad* ako nang tapat;+Laging buo ang tiwala ko kay Jehova.+
2 O Jehova, suriin mo ako at subukin;Dalisayin mo ang kaloob-looban ng aking isip* at ang aking puso.+
3 Dahil ang iyong tapat na pag-ibig ay laging nasa harap ko,At lumalakad ako sa iyong daan ng katotohanan.+
4 Hindi ako sumasama sa* mga taong mapanlinlang,+At iniiwasan ko ang mga mapagkunwari.
5 Napopoot ako sa masasama,+At hindi ako nakikihalubilo sa kanila.*+
6 Huhugasan ko ang mga kamay ko dahil wala akong kasalanan,At lalakad ako sa palibot ng iyong altar, O Jehova,
7 Para iparinig ang pasasalamat ko+At ihayag ang lahat ng iyong kamangha-manghang gawa.
8 Jehova, iniibig ko ang bahay na iyong tinitirhan,+Ang lugar kung saan naroon ang iyong kaluwalhatian.+
9 Huwag mo akong puksain kasama ng mga makasalanan,+At huwag mong kunin ang buhay ko kasama ng mga taong mararahas.*
10 Ang mga kamay nila ay gumagawa ng kahiya-hiyang mga bagay,At ang kanang kamay nila ay punô ng suhol.
11 Pero ako, lalakad* ako nang tapat.
Iligtas* mo ako at kaawaan.
12 Nakatayo ako sa patag na lugar;+Sa malaking kongregasyon,* pupurihin ko si Jehova.+
Talababa
^ O “namuhay.”
^ O “ang kaibuturan ng aking damdamin.” Lit., “ang aking mga bato.”
^ Lit., “umuupong kasama ng.”
^ Lit., “umuupong kasama nila.”
^ O “nagpapadanak ng dugo.”
^ O “mamumuhay.”
^ Lit., “Tubusin.”
^ Lit., “pagtitipon.”
