Mga Awit 33:1-22
33 Humiyaw kayo sa kagalakan, kayong mga matuwid, dahil kay Jehova.+
Nararapat lang na purihin siya ng mga matuwid.
2 Magpasalamat kayo kay Jehova gamit ang alpa;Umawit kayo ng mga papuri* sa kaniya gamit ang instrumentong may 10 kuwerdas.
3 Umawit kayo sa kaniya ng bagong awit;+Pagbutihin ninyo ang pagtugtog sa mga kuwerdas, kasabay ng mga hiyaw ng kagalakan.
4 Dahil ang salita ni Jehova ay matuwid,+At ang lahat ng ginagawa niya ay maaasahan.
5 Iniibig niya ang katuwiran at katarungan.+
Ang lupa ay punô ng tapat na pag-ibig ni Jehova.+
6 Sa pamamagitan ng salita ni Jehova ay nalikha ang langit,+At sa pamamagitan ng espiritu* ng kaniyang bibig ay nalikha ang lahat ng naroon.*
7 Tinitipon niya ang tubig ng dagat na parang nasa dam;+Inilalagay niya ang dumadaluyong na tubig sa mga imbakan.
8 Matakot nawa kay Jehova ang buong mundo.+
Magpakita nawa ng matinding paggalang sa kaniya ang mga nakatira sa lupa.*
9 Dahil nagsalita siya, at nangyari iyon;+Nag-utos siya, at natupad iyon.+
10 Binigo ni Jehova ang mga pakana* ng mga bansa;+Sinira niya ang mga plano* ng mga bayan.+
11 Pero ang mga pasiya ni Jehova ay hindi mabibigo kailanman;+Ang kaisipan* niya ay mananatili gaano man karaming henerasyon ang lumipas.
12 Maligaya ang bansa na ang Diyos ay si Jehova,+Ang bayang pinili niya bilang pag-aari niya.+
13 Tumitingin si Jehova mula sa langit;Nakikita niya ang lahat ng anak ng tao.+
14 Mula sa tirahan niya,Pinagmamasdan niya ang mga nakatira sa lupa.
15 Siya ang humuhubog sa puso ng lahat;Sinusuri niya ang lahat ng ginagawa nila.+
16 Ang isang hari ay hindi maililigtas ng malaking hukbo;+Ang isang malakas na lalaki ay hindi maililigtas ng sarili niyang lakas.+
17 Ang kabayo ay hindi maaasahang tagapagligtas;*+Malakas man ito, hindi ito siguradong makasasagip.
18 Ang mata ni Jehova ay nagbabantay sa mga may takot sa kaniya,+Sa mga naghihintay sa kaniyang tapat na pag-ibig,
19 Para iligtas sila mula sa kamatayanAt panatilihing buháy sa panahon ng taggutom.+
20 Hinihintay natin si Jehova.
Siya ang ating katulong at kalasag.+
21 Nagsasaya ang puso natin dahil sa kaniya,Dahil nagtitiwala tayo sa kaniyang banal na pangalan.+
22 Mapasaamin nawa ang iyong tapat na pag-ibig, O Jehova,+Habang patuloy kaming naghihintay sa iyo.+
Talababa
^ O “Umawit kayo at tumugtog para.”
^ O “hininga.”
^ Lit., “lahat ng hukbo nila.”
^ Lit., “mabungang lupain.”
^ O “kaisipan.”
^ O “panukala.”
^ Lit., “kaisipan ng puso.”
^ O “hindi makapagbibigay ng tagumpay.”