Mga Awit 90:1-17
Panalangin ni Moises, na lingkod ng tunay na Diyos.+
90 O Jehova, ikaw ang naging tahanan* namin+ sa lahat ng henerasyon.
2 Bago naisilang ang mga bundokO bago mo ginawa* ang lupa at ang mabungang lupain,+Mula sa panahong walang pasimula hanggang sa panahong walang wakas, ikaw ang Diyos.+
3 Ang taong mortal ay ibinabalik mo sa alabok;Sinasabi mo: “Bumalik kayo sa alabok, kayong mga anak ng tao.”+
4 Dahil sa paningin mo, ang isang libong taon ay tulad lang ng isang araw na nagdaan,+At gaya ng isang yugto ng pagbabantay sa gabi.
5 Pinaglalaho mo sila;+ sila ay naging gaya lang ng isang tulog;Sa umaga ay gaya sila ng damo na tumutubo.+
6 Sa umaga ay nananariwa ito at namumulaklak,Pero sa gabi ay nalalanta ito at natutuyo.+
7 Dahil nilalamon kami ng iyong galit,+At natatakot kami sa iyong pagngangalit.
8 Inilalagay mo sa harap mo* ang mga pagkakamali namin;+Ang mga lihim namin ay nabubunyag sa liwanag ng iyong mukha.+
9 Unti-unting nauubos ang mga araw namin dahil sa iyong poot;At nagwawakas ang mga taon namin na gaya ng isang bulong.*
10 Ang haba ng buhay namin ay 70 taon,O 80 taon+ sa mas malalakas.
Pero punô ito ng problema at kalungkutan;Mabilis itong lumilipas, at naglalaho na kami.+
11 Sino ang makauunawa sa kapangyarihan ng iyong galit?
Ang poot mo ay kasintindi ng pagkatakot na nararapat sa iyo.+
12 Ituro mo sa amin kung paano bibilangin ang mga araw namin+Para magkaroon kami ng marunong na puso.
13 Bumalik ka, O Jehova!+ Hanggang kailan ito magtatagal?+
Maawa ka sa mga lingkod mo.+
14 Busugin mo kami ng iyong tapat na pag-ibig+ sa umaga,Para makahiyaw kami sa kagalakan at makapagsaya+ sa lahat ng araw namin.
15 Pasayahin mo kami katumbas ng mga araw na pinaghirap mo kami,+Singhaba ng mga taon na dumanas kami ng kapahamakan.+
16 Makita nawa ng mga lingkod mo ang ginagawa mo,At makita nawa ng mga anak nila ang kaluwalhatian mo.+
17 Kalugdan nawa kami ni Jehova na aming Diyos;Pagtagumpayin mo nawa* ang ginagawa ng aming mga kamay.
Oo, pagtagumpayin mo* ang ginagawa ng aming mga kamay.+
Talababa
^ O posibleng “kanlungan.”
^ O “isilang nang may kirot ng panganganak.”
^ O “Alam mo.”
^ O “buntonghininga.”
^ O “Itatag mo nawa nang matibay.”
^ O “Itatag mo nang matibay.”
