Mga Bilang 24:1-25
24 Nang makita ni Balaam na natutuwa si Jehova na pagpalain ang Israel, hindi na siya umalis muli para maghanap ng mahiwagang tanda ng kapahamakan,+ kundi humarap siya sa ilang.
2 Nang makita ni Balaam ang Israel na nagkakampo ayon sa mga tribo nito,+ sumakaniya ang espiritu ng Diyos.+
3 Binigkas niya ang makatang pananalitang ito:+
“Ang sinabi ni Balaam na anak ni Beor,At ang sinabi ng lalaking nabuksan ang mga mata,
4 Ang sinabi ng nakaririnig sa salita ng Diyos,Na nakakita ng isang pangitain ng Makapangyarihan-sa-Lahat,Na yumukod nang nakadilat ang mga mata:+
5 Napakaganda ng iyong mga tolda, O Jacob,Ng iyong mga tabernakulo, O Israel!+
6 Gaya ng mga lambak,* umaabot ang mga iyon sa malayo,+Gaya ng mga hardin sa tabi ng ilog,Gaya ng mga aloe na itinanim ni Jehova,Gaya ng mga sedro sa tabi ng tubig.
7 Patuloy na tumutulo ang tubig mula sa dalawa niyang katad* na timba,At ang binhi* niya ay itinanim sa tabi ng saganang tubig.+
Ang hari+ din niya ay magiging mas dakila kaysa kay Agag,+At ang kaharian niya ay dadakilain.+
8 Diyos ang naglabas sa kaniya sa Ehipto;Gaya Siya ng mga sungay ng isang torong-gubat para sa kanila.
Lalamunin niya ang mga bansa, ang mga nang-aapi sa kaniya;+Ngangatngatin niya ang mga buto nila at pupuksain sila gamit ang mga pana niya.
9 Humiga siya, humiga siyang gaya ng leon,At gaya sa leon, sino ang mangangahas na gumising sa kaniya?
Ang mga nagbibigay sa iyo ng pagpapala ay pinagpapala,At ang mga sumusumpa sa iyo ay isinusumpa.”+
10 Galit na galit si Balak kay Balaam. Pumalakpak siya at sinabi kay Balaam: “Tinawag kita para sumpain ang mga kaaway ko,+ pero pinagpala mo pa sila nang tatlong beses.
11 Umuwi ka na ngayon. Bibigyan sana kita ng malaking gantimpala,+ pero ipinagkait ito sa iyo ni Jehova.”
12 Sumagot si Balaam: “Hindi ba sinabi ko sa mga mensahero mo,
13 ‘Ibigay man sa akin ni Balak ang bahay niya na punô ng pilak at ginto, kahit gusto ko ay wala pa rin akong magagawa, mabuti man o masama, na salungat sa utos ni Jehova. Kung ano lang ang sabihin sa akin ni Jehova, iyon lang ang masasabi ko’?+
14 Ngayon, babalik na ako sa bayan ko. Halika, at sasabihin ko sa iyo kung ano ang gagawin ng bayang ito sa bayan mo pagdating ng araw.”*
15 Kaya binigkas niya ang makatang pananalitang ito:+
“Ang sinabi ni Balaam na anak ni Beor,At ang sinabi ng lalaking nabuksan ang mga mata,+
16 Ang sinabi ng nakaririnig sa salita ng Diyos,At ng tumanggap ng kaalaman ng Kataas-taasan,Nakita niya ang isang pangitain ng Makapangyarihan-sa-LahatHabang nakayukod nang nakadilat ang mga mata:
17 Makikita ko siya, pero hindi ngayon;Mamamasdan ko siya, pero matagal pa.
Isang bituin+ ang lalabas mula sa Jacob,At isang setro+ ang magmumula* sa Israel.+
At tiyak na babasagin niya ang noo* ng Moab+At ang bungo ng lahat ng anak ng kaguluhan.
18 At ang Edom ay magiging pag-aari niya,+Oo, ang Seir+ ay magiging pag-aari ng mga kaaway nito,+Samantalang ang Israel ay nagpapakita ng lakas ng loob.
19 At mula sa Jacob ay may isang mananakop,+At pupuksain niya ang sinumang nakaligtas mula sa lunsod.”
20 Nang makita niya ang Amalek, itinuloy niya ang makatang pananalita:
“Ang Amalek ang una sa mga bansa,+Pero sa huli ay malilipol siya.”+
21 Nang makita niya ang mga Kenita,+ itinuloy niya ang makatang pananalita:
“Matatag ang iyong tahanan, at nasa malaking bato ang iyong tirahan.
22 Pero may susunog sa Kain.
Gaano pa kaya katagal bago ka bihagin ng Asirya?”
23 At itinuloy pa niya ang makatang pananalita:
“Kaawa-awa! Sino ang makaliligtas kapag ginawa ito ng Diyos?
24 May darating na mga barko mula sa baybayin ng Kitim;+Pahihirapan nila ang Asirya,+Pahihirapan nila ang Eber.
Pero kahit siya ay malilipol din.”
25 Pagkatapos, umalis si Balaam.+ Umalis na rin si Balak.
Talababa
^ O “wadi.”
^ O “supling.”
^ Sa Ingles, leather.
^ O “sa wakas ng mga araw.”
^ Lit., “titindig.”
^ O “mga sentido.”
