Deuteronomio 33:1-29
33 At ito ang pagpapala sa mga Israelita na binigkas ni Moises na lingkod ng tunay na Diyos bago siya mamatay.+
2 Sinabi niya:
“Si Jehova—nanggaling siya sa Sinai,+At suminag siya sa kanila mula sa Seir.
Nagningning ang kaluwalhatian niya mula sa mabundok na rehiyon ng Paran,+At kasama niya ang napakaraming* banal;+Nasa kanan niya ang mga mandirigma niya.+
3 Mahal niya ang kaniyang bayan;+Lahat ng banal ay nasa iyong kamay, O Diyos.+
Nakaupo sila sa paanan mo;+Nakinig sila sa iyong mga salita.+
4 (Binigyan tayo ni Moises ng isang batas, isang kautusan,+Na pag-aari ng kongregasyon ni Jacob.)+
5 At naging hari Siya sa Jesurun,*+Nang magtipon ang mga pinuno ng bayan,+Kasama ang lahat ng tribo ng Israel.+
6 Patuloy nawang mabuhay si Ruben+At huwag kumaunti ang bilang niya.”+
7 At binigkas niya ang pagpapalang ito para kay Juda:+
“Pakinggan mo, O Jehova, ang tinig ni Juda,+At ibalik mo nawa siya sa kaniyang bayan.
Ipinaglaban* niya* kung ano ang sa kaniya;Tulungan mo nawa siyang labanan ang mga kaaway niya.”+
8 Sinabi niya tungkol kay Levi:+
“Ang iyong* Tumim at Urim+ ay nasa taong tapat sa iyo,+Ang sinubok mo sa Masah.+
Nakipagtalo ka sa kaniya sa tabi ng tubig sa Meriba,+
9 Ang taong nagsabi sa kaniyang ama at ina, ‘Hindi ko sila iginalang.’
Hindi niya kinilala kahit ang mga kapatid niya,+At binale-wala niya ang sarili niyang mga anak.
Dahil iningatan nila ang iyong salitaAt tinupad ang iyong tipan.+
10 Ituturo nila kay Jacob ang iyong mga hudisyal na pasiya+At kay Israel ang iyong Kautusan.+
Maghahandog sila ng insenso, isang nakagiginhawang amoy sa iyo,*+At ng isang buong handog sa altar mo.+
11 Palakasin mo siya, O Jehova,At masiyahan ka nawa sa mga ginagawa niya.
Durugin mo ang mga binti* ng mga kaaway niya,Para hindi na makatayo ang mga napopoot sa kaniya.”
12 Sinabi niya tungkol kay Benjamin:+
“Ang mahal ni Jehova ay manirahan nawang panatag sa tabi niya;Habang iniingatan niya siya buong araw,Maninirahan siya sa pagitan ng mga balikat niya.”
13 Sinabi niya tungkol kay Jose:+
“Pagpalain nawa ni Jehova ang lupain niya+Ng mabubuting bagay ng langit,Ng hamog at ng tubig mula sa mga bukal,+
14 Ng mabubuting bagay na tumutubo dahil sa arawAt ng magandang ani buwan-buwan,+
15 Ng mabubuting bagay mula sa sinaunang mga bundok*+At ng mabubuting bagay mula sa matatagal nang burol,
16 Ng mabubuting bagay ng lupa at lahat ng narito,+At ng pagsang-ayon ng Isa na nanirahan sa palumpong.+
Mapunta nawa kay Jose ang mga ito,Sa tuktok ng ulo niya, na pinili mula sa mga kapatid niya.+
17 Ang kaluwalhatian niya ay gaya ng sa panganay na toro,At ang mga sungay niya ay mga sungay ng torong-gubat.
Gamit ang mga iyon, ang mga bayan ay itutulak* niyaNang sama-sama hanggang sa mga dulo ng lupa.
Sila ang sampu-sampung libo ni Efraim,+At sila ang libo-libo ni Manases.”
18 Sinabi niya tungkol kay Zebulon:+
“Magsaya ka, O Zebulon, sa iyong mga paglalakbay,At ikaw, Isacar, sa iyong mga tolda.+
19 Ang mga bayan ay aanyayahan nilang umakyat sa bundok.
Iaalay nila roon ang mga handog ng katuwiran.
Dahil kukunin* nila ang saganang yaman ng mga dagatAt ang nakatagong yaman sa buhanginan.”
20 Sinabi niya tungkol kay Gad:+
“Pagpalain ang nagpapalawak sa mga hangganan ni Gad.+
Nakahiga siya roon gaya ng leon,Na handang manakmal ng bisig, oo, ng tuktok ng ulo.
21 Kukunin niya ang unang bahagi,+Dahil inilaan ito sa kaniya ng tagapagbigay-batas.+
Magtitipon ang mga pinuno ng bayan.
Ilalapat niya ang katarungan alang-alang kay JehovaAt ang Kaniyang mga hudisyal na pasiya para sa Israel.”
22 Sinabi niya tungkol kay Dan:+
“Si Dan ay batang leon.+
Lulukso siya mula sa Basan.”+
23 Sinabi niya tungkol kay Neptali:+
“Si Neptali ay busog sa pagsang-ayonAt punô ng pagpapala ni Jehova.
Kunin mo ang lupain sa kanluran at timog.”
24 Sinabi niya tungkol kay Aser:+
“Pagpapalain si Aser ng mga anak.
Malugod nawa sa kaniya ang mga kapatid niya,At ilubog* nawa niya ang kaniyang mga paa sa langis.
25 Bakal at tanso ang mga trangka ng pintuang-daan mo,+At magiging panatag ka sa lahat ng araw mo.*
26 Walang sinuman ang gaya ng tunay na Diyos+ ni Jesurun,+Na nilalakbay ang langit para tulungan kaAt nakasakay sa mga ulap taglay ang kaluwalhatian niya.+
27 Ang Diyos ay kanlungan mula pa nang unang panahon,+Nakasuporta sa iyo* ang walang-hanggang mga bisig niya.+
Itataboy niya mula sa harap mo ang kaaway,+At sasabihin niya, ‘Lipulin sila!’+
28 Ang Israel ay maninirahan nang tiwasay,At ang bukal ni Jacob ay magiging panatagSa isang lupaing sagana sa butil at bagong alak,+Na dinidilig ng hamog sa kalangitan.+
29 Maligaya ka, O Israel!+
Sino ang gaya mo,+Isang bayang inililigtas ni Jehova,+Na siyang kalasag na nagsasanggalang sa iyo+At ang makapangyarihang espada mo?
Kaya manginginig sa harap mo ang iyong mga kaaway,+At tatapakan mo ang mga likod* nila.”
Talababa
^ O “laksa-laksang; sampu-sampung libong.”
^ Ibig sabihin, “Isa na Matuwid,” isang marangal na titulo para sa Israel.
^ Lit., “ng kaniyang mga bisig.”
^ O “Ipinagsanggalang.”
^ Tumutukoy sa Diyos ang “iyo,” “mo,” at “ka” sa talatang ito.
^ Lit., “sa ilong mo.”
^ O “balakang.”
^ O posibleng “mula sa mga bundok sa silangan.”
^ O “susuwagin.”
^ Lit., “sisipsipin.”
^ O “hugasan.”
^ Lit., “At ang iyong lakas ay magiging gaya ng mga araw mo.”
^ Lit., “Nasa ilalim mo.”
^ O posibleng “ang matataas na lugar.”
