Isaias 13:1-22
13 Isang mensahe laban sa Babilonya+ na nakita ni Isaias+ na anak ni Amoz sa pangitain:
2 “Maglagay kayo ng isang palatandaan*+ sa bundok na puro bato.
Tawagin ninyo sila, kawayan ninyo sila,Para pumasok sila sa mga pasukan ng mga prominente.
3 Nag-utos ako sa mga inatasan* ko.+
Para ipakita ang galit ko, tinawag ko ang aking mga mandirigma,Na nagsasaya at nagmamalaki.
4 Pakinggan ninyo! May mga tao sa mga bundok,At mukhang napakarami nila!
Pakinggan ninyo! Naghihiyawan ang mga kaharian,Ang mga bansang nagkakatipon!+
Si Jehova ng mga hukbo ay nagtitipon ng mga sundalo para sa digmaan.+
5 Dumarating sila mula sa malayong lupain,+Mula sa dulo ng mga langit,Si Jehova at ang mga sandata ng galit niya,Para ipahamak ang buong lupa.+
6 Humagulgol kayo, dahil ang araw ni Jehova ay malapit na!
Wawasakin ng Makapangyarihan-sa-Lahat ang lupain.+
7 Kaya ang lahat ng kamay ay manghihina,At ang puso ng bawat tao ay matutunaw sa takot.+
8 Ang bayan ay takot na takot.+
Namimilipit sila sa sakitGaya ng babaeng manganganak na.
Nagtitinginan sila sa pagkasindak,At bakas sa mukha nila ang paghihirap ng kalooban.
9 Makinig kayo! Ang araw ni Jehova ay dumarating,Isang malupit na araw na punô ng poot at nag-aapoy na galit,Para gawing nakapangingilabot ang lupain+At lipulin ang mga makasalanang naroon.
10 Dahil ang mga bituin sa langit at ang mga konstelasyon* nila+Ay hindi magbibigay ng kanilang liwanag;Magiging madilim ang araw sa pagsikat nito,At ang buwan ay hindi magliliwanag.
11 Pagbabayarin ko ang lupa sa kasamaan nito,+At ang masasama sa kanilang mga pagkakamali.
Wawakasan ko ang kayabangan ng mga pangahas,At aalisin ko ang kahambugan ng malulupit.+
12 Ang taong mortal ay gagawin kong mas kaunti kaysa sa dinalisay na ginto;+Magiging mas kaunti ang tao kaysa sa ginto ng Opir.+
13 Kaya payayanigin ko ang langit,At ang lupa ay mauuga mula sa kinaroroonan nito+Dahil sa poot ni Jehova ng mga hukbo sa araw ng kaniyang nag-aapoy na galit.
14 Gaya ng hinuhuling gasela* at gaya ng kawan na walang nagtitipon,Ang bawat isa ay babalik sa kani-kaniyang bayan;Ang bawat isa ay tatakas papunta sa kani-kaniyang lupain.+
15 Ang sinumang makikita ay sisibatin,At ang sinumang mahuhuli ay mamamatay sa espada.+
16 Ang mga anak nila ay pagluluray-lurayin sa harap nila,+Kukunin ang laman ng bahay nila,At ang mga asawa nila ay gagahasain.
17 Palulusubin ko sa kanila ang mga Medo,+Na walang interes sa pilakAt hindi nasisiyahan sa ginto.
18 Pagluluray-lurayin ng mga pana ng mga ito ang mga kabataang lalaki;+Ang mga ito ay hindi maaawa sa mga anak nilaO mahahabag sa mga bata.
19 At ang Babilonya, ang pinakamaluwalhati sa* mga kaharian,+Ang kagandahan at ang ipinagmamalaki ng mga Caldeo,+Ay magiging gaya ng Sodoma at Gomorra noong pabagsakin ng Diyos ang mga ito.+
20 Hindi na siya titirhan kailanman,At wala nang manunuluyan sa kaniya sa lahat ng henerasyon.+
Walang Arabe na magtatayo ng tolda roon,At walang pastol na magdadala roon ng kaniyang mga kawan.
21 Ang mga hayop sa disyerto ay hihiga roon;Ang mga bahay nila ay mapupuno ng mga kuwago.*
Titira doon ang mga avestruz,*+At magpapalukso-lukso roon ang maiilap na kambing.*
22 May mga nilalang na aalulong sa mga tore niya,At mga chakal sa mararangya niyang palasyo.
Malapit na ang oras niya, at ang mga araw niya ay hindi na patatagalin.”+
Talababa
^ O “posteng pananda.”
^ Lit., “pinabanal.”
^ Lit., “mga Kesil,” malamang na tumutukoy sa Orion at sa iba pang konstelasyong nakapalibot dito.
^ Isang hayop na parang usa.
^ O “ang dekorasyon ng.”
^ Isang uri ng kuwago na mukhang agila.
^ Sa Ingles, ostrich.
^ O posibleng “ang tulad-kambing na mga demonyo.”