Isaias 57:1-21
57 Ang matuwid ay namatay,Pero walang nagsasapuso nito.
Kinukuha* ang mga tapat,+Pero walang nakakapansin na ang matuwidAy kinuha ng* kapahamakan.
2 Nagiging payapa siya.
Nagpapahinga sila sa mga higaan* nila, lahat sila na lumalakad nang matuwid.
3 “Pero kayo, lumapit kayo,Kayong mga anak ng mangkukulam,*Kayong mga anak ng mangangalunya at babaeng bayaran:
4 Sino ang pinagtatawanan ninyo?
Sino ang hinahamak ninyo at dinidilaan?
Hindi ba kayo ang mga anak ng kasalanan,Mga anak ng kasinungalingan,+
5 Ang mga nag-aalab ang damdamin sa gitna ng malalaking puno,+Sa ilalim ng bawat mayabong na puno,+Na pumapatay ng mga anak sa mga lambak,*+Sa ilalim ng mga bitak ng malalaking bato?
6 Pinili mo ang makikinis na bato sa lambak.*+
Oo, ang mga ito ang parte mo.
Kahit sa kanila ay ibinubuhos mo ang iyong handog na inumin at naghahandog ka ng mga kaloob.+
Dapat ba akong masiyahan* sa mga bagay na ito?
7 Sa mataas at matayog na bundok ay inihanda mo ang iyong higaan,+At umakyat ka roon para maghandog.+
8 Sa likod ng pinto at ng poste ng pinto ay inilagay mo ang iyong imahen.
Iniwan mo ako at naghubad ka;Umakyat ka at pinaluwang mo ang iyong kama.
At nakipagtipan ka sa kanila.
Gustong-gusto mong makihiga sa kama nila,+At tumingin ka sa ari ng lalaki.*
9 Bumaba ka kay Melec* na may dalang langisAt maraming pabango.
Ipinadala mo sa malayo ang iyong mga sugo,Kaya bumaba ka sa Libingan.*
10 Nagpakapagod ka sa marami mong ginagawa,Pero hindi mo sinabi, ‘Wala nang pag-asa!’
Muli kang lumakas.
Kaya hindi ka humihinto.*
11 Sino ba ang kinasisindakan at kinatatakutan moKaya nagsimula kang magsinungaling?+
Hindi mo ako inalaala.+
Wala kang isinapusong anuman.+
Nanahimik ako at nagsawalang-kibo,*+
Kaya hindi ka natakot sa akin.
12 Ihahayag ko ang iyong ‘katuwiran’+ at ang mga ginagawa mo,+At hindi ka makikinabang sa mga ito.+
13 Kapag humingi ka ng tulong,Hindi ka ililigtas ng tinipon mong mga idolo.+
Lahat ng iyon ay tatangayin ng hangin,Isang hihip lang ay matatangay na ang mga iyon,Pero ang nanganganlong sa akin ay magmamana ng lupainAt magmamay-ari ng aking banal na bundok.+
14 May magsasabi, ‘Gumawa kayo ng landas! Ihanda ninyo ang daan!+
Alisin ninyo ang anumang hadlang sa daan ng aking bayan.’”
15 Dahil ito ang sinabi ng Mataas at Matayog na Diyos,Na nabubuhay* nang walang hanggan+ at may banal na pangalan:+
“Nakatira ako sa mataas at banal na lugar,+Pero kasama rin ako ng mga nagdurusa at mga mapagpakumbaba,Para pasiglahin ang mga hamakAt palakasin ang puso ng mga nagdurusa.+
16 Hindi ako makikipaglaban sa kanila magpakailanmanO mananatiling galit;+Dahil manghihina ang tao dahil sa akin,+Oo, maging ang mga humihingang nilalang na ginawa ko.
17 Nagalit ako sa kasalanan niya, sa pandaraya niya para makinabang,+Kaya pinarusahan ko siya, at itinago ko ang aking mukha dahil sa galit.
Pero patuloy siya sa pagrerebelde,+ sa pagsunod sa puso niya.
18 Nakita ko ang mga ginagawa niya,Pero pagagalingin ko siya+ at papatnubayan,+At muli ko siyang aaliwin,+ pati ang mga nagdadalamhating kasama niya.”+
19 “Nililikha ko ang bunga ng mga labi.
Bibigyan ng walang-hanggang kapayapaan ang nasa malayo at ang nasa malapit,”+ ang sabi ni Jehova,“At pagagalingin ko siya.”
20 “Pero ang masasama ay gaya ng maligalig na dagat na hindi kumakalma,At ang mga alon nito ay may tangay na damong-dagat at lusak.
21 Walang kapayapaan para sa masasama,”+ ang sabi ng aking Diyos.
Talababa
^ O posibleng “walang nakauunawa na ang matuwid ay kinuha mula sa.”
^ Ibig sabihin, namamatay.
^ Libingan.
^ O “wadi.”
^ O “maaliw.”
^ O “wadi.”
^ Posibleng tumutukoy sa pagsamba sa idolo.
^ O posibleng “sa hari.”
^ Lit., “napapagod.”
^ O “nagtago ng mga bagay-bagay.”
^ O “naninirahan.”
