Job 12:1-25
12 At sumagot si Job:
2 “Kayo na ang matatalino,*At kapag namatay kayo, wala nang karunungan!
3 Pero may unawa* rin ako.
Hindi ako nakabababa sa inyo.
Sino ang hindi nakaaalam ng mga bagay na ito?
4 Naging katatawanan ako sa mga kasamahan ko,+Dahil tumatawag ako sa Diyos at naghihintay ng sagot.+
Isang katatawanan ang taong matuwid at walang kapintasan.
5 Binabale-wala* ng taong panatag ang kapahamakan;Iniisip niyang para lang iyon sa mga may paang sumusuray.*
6 Ang mga tolda ng mga magnanakaw ay payapa,+At ang mga gumagalit sa Diyos ay panatag,+Gaya ng mga taong hawak sa kanilang kamay ang diyos nila.
7 Pero pakisuyo, magtanong ka sa mga hayop, at tuturuan ka nila;Pati sa mga ibon sa langit, at sasabihin nila iyon sa iyo.
8 O bigyang-pansin* mo ang lupa, at tuturuan ka nito;At ipaaalam iyon sa iyo ng mga isda sa dagat.
9 Sino sa lahat ng ito ang hindi nakaaalamNa ang kamay ni Jehova ang gumawa nito?
10 Nasa kamay niya ang buhay ng bawat nabubuhay na bagayAt ang hininga* ng bawat tao.*+
11 Hindi ba sinusubok ng tainga ang mga salitaKung paanong nilalasahan ng dila* ang pagkain?+
12 Hindi ba taglay ng matatanda ang karunungan+At nagkakaroon ng unawa ang may mahabang buhay?
13 Marunong siya at malakas;+May layunin* siya at unawa.+
14 Kapag may giniba siya, hindi na iyon maitatayo;+Kapag may isinara siya, hindi iyon mabubuksan ng sinuman.
15 Kapag pinigil niya ang tubig, lahat ay natutuyo;+Kapag pinakawalan niya ito, umaapaw ito sa buong lupa.+
16 Malakas siya at may praktikal na karunungan;+Nasa kamay niya ang naliligaw at ang nanliligaw;
17 Pinaglalakad niya nang nakapaa ang* mga tagapayoAt pinagmumukhang baliw ang mga hukom.+
18 Inaalisan niya ng awtoridad ang mga hari+At itinatali sa baywang nila ang sinturon ng alipin.
19 Pinaglalakad niya nang nakapaa ang mga saserdote+At pinatatalsik ang mga matagal nang namamahala;+
20 Isinasara niya ang bibig ng pinagkakatiwalaang mga tagapayoAt inaalis ang karunungan ng matatandang lalaki;
21 Hinahamak niya ang mga prominente+At pinahihina ang* mga makapangyarihan;
22 Isinisiwalat niya ang malalalim na bagay mula sa dilim+At pinagliliwanag ang matinding kadiliman;
23 Pinalalakas niya ang mga bansa para puksain sila;Pinalalaki niya ang mga bansa para maipatapon sila.
24 Inaalis niya ang unawa* ng mga pinuno ng bayanAt pinagagala-gala sila sa tiwangwang na mga lugar na walang mga daanan.+
25 Nangangapa sila sa dilim+ kung saan walang liwanag;Pinagagala-gala niya silang gaya ng lasing.+
Talababa
^ Lit., “Kayo ang bayan.”
^ Lit., “puso.”
^ O “Hinahamak.”
^ O “nadudulas.”
^ O posibleng “kausapin.”
^ Lit., “ng lahat ng laman ng tao.”
^ Lit., “ngalangala.”
^ Lit., “payo.”
^ O “Kinukuha niya ang lahat ng tinataglay ng.”
^ Lit., “At pinaluluwag ang sinturon ng.”
^ Lit., “puso.”
