Job 24:1-25
24 “Bakit ba hindi nagtakda ng oras ang Makapangyarihan-sa-Lahat?+
Bakit hindi nakikita ng mga nakakakilala sa kaniya ang araw ng paghatol niya?
2 Ang mga tao ay nag-uusod ng muhon;*+Nagnanakaw sila ng kawan para sa sarili nilang pastulan.
3 Itinataboy nila ang asno ng mga batang walang amaAt inaagaw ang toro ng biyuda bilang prenda.*+
4 Pinaaalis nila sa kalsada ang mga dukha;Kailangan silang taguan ng mga walang kalaban-laban.+
5 Naghahagilap ng pagkain ang mga dukha, gaya ng maiilap na asno+ sa ilang;Naghahanap sila ng pagkain sa disyerto para sa mga anak nila.
6 Kailangan nilang mag-ani sa bukid ng iba*At mamulot ng tira-tira* sa ubasan ng masasama.
7 Nagpapalipas sila ng gabi nang walang damit;+Wala silang maisuot para sa lamig.
8 Nababasâ sila ng ulan sa kabundukan;Pilit silang nanganganlong sa malalaking bato dahil wala silang ibang masilungan.
9 Ang anak ng biyuda ay inaagaw mula sa dibdib niya;+At kinukuha bilang prenda ang damit ng dukha,+
10 Kaya naman naglalakad sila nang walang suot,At gutom silang nagbubuhat ng mga tungkos ng butil.
11 Nagtatrabaho sila sa tabi ng mga pader ng ubasan sa kainitan ng araw;*Nagtatrabaho sila sa pisaan ng ubas, pero nauuhaw sila.+
12 Dumaraing sa lunsod ang mga naghihingalo;Humihingi ng tulong ang mga nasugatan nang malubha,+Pero hindi nababahala ang Diyos.*
13 May mga naghihimagsik sa liwanag;+Hindi nila kinikilala ang mga daan nito,At hindi nila nilalakaran ang mga landas nito.
14 Maagang bumabangon ang mamamatay-tao;Pinapatay niya ang walang kalaban-laban at dukha,+At sa gabi naman ay nagnanakaw siya.
15 Hinihintay ng mata ng mangangalunya ang takipsilim;+Sinasabi niya, ‘Walang makakakita sa akin!’+
At tinatakpan niya ang kaniyang mukha.
16 Sa dilim ay pinapasok nila ang* mga bahay;Kung araw ay nagkukulong sila.
Nilalayuan nila ang liwanag.+
17 Dahil ang umaga ay tulad ng matinding kadiliman para sa kanila;Alam nila ang kinatatakutan ng mga tao sa matinding kadiliman.
18 Pero mabilis silang aanurin ng tubig.*
Susumpain ang kanilang lupain.+
Hindi sila babalik sa ubasan nila.
19 Kung paanong kinukuha ng tagtuyot at init ang natunaw na niyebe,Kinukuha ng Libingan* ang mga nagkasala!+
20 Kalilimutan siya ng kaniyang ina;* kakainin siya ng mga uod.
Hindi na siya maaalaala pa.+
At ang kasamaan ay ibabagsak na tulad ng puno.
21 Binibiktima niya ang babaeng baogAt minamaltrato ang biyuda.
22 Gagamitin ng Diyos* ang lakas niya para puksain ang mga makapangyarihan;Umangat man sila, wala pa ring katiyakan ang buhay nila.
23 Hinahayaan ng Diyos* na maging kampante sila at panatag,+Pero nakatingin siya sa lahat ng ginagawa nila.*+
24 Pansamantala silang nagiging mataas, at pagkatapos ay wala na sila.+
Puputulin sila at titipunin gaya ng mga uhay ng butil;Babagsak sila+ at mamamatay gaya ng iba.
25 Kaya sino ang magpapatunay na sinungaling ako,At sino ang tututol sa sinabi ko?”
Talababa
^ Tanda ng hangganan.
^ O “panagot.”
^ O posibleng “mag-ani ng pagkain ng hayop sa bukid.”
^ O “At maghimalay.”
^ O posibleng “Nagpipiga sila ng olibo sa tabi ng pader ng hagdan-hagdang lupain para makuha ang langis nito.”
^ O posibleng “walang pinananagot ang Diyos.”
^ Lit., “humuhukay siya papasók sa.”
^ Lit., “Siya ay matulin sa ibabaw ng tubig.”
^ Lit., “ng sinapupunan.”
^ Lit., “niya.”
^ Lit., “niya.”
^ Lit., “sa mga daan nila.”
