Job 35:1-16
35 Patuloy na sumagot si Elihu:
2 “Talaga bang kumbinsido kang tama ka kaya sinasabi mo,‘Mas matuwid ako sa Diyos’?+
3 Sinasabi mo, ‘Ano ang silbi nito sa iyo?*
Mas napabuti pa ba ako dahil hindi ako nagkasala?’+
4 Sasagot ako sa iyoAt sa mga kasamahan+ mo.
5 Tumingala ka sa langit at tingnan mo,Masdan mo ang mga ulap,+ na mas matataas kaysa sa iyo.
6 Kapag nagkakasala ka, napipinsala mo ba siya?+
Kapag dumarami ang pagsuway mo, ano ang nagagawa mo sa kaniya?+
7 Kung matuwid ka, ano ang naibibigay mo sa kaniya;Ano ang natatanggap niya mula sa iyo?+
8 Ang kasamaan mo ay nakaaapekto lang sa taong gaya mo,At ang pagiging matuwid mo ay nakaaapekto lang sa isang anak ng tao.
9 Dumaraing ang mga tao kapag inaapi sila;Humihingi sila ng tulong dahil sa panggigipit* ng mga makapangyarihan.+
10 Pero walang nagsasabi, ‘Nasaan ang Diyos, na aking Dakilang Maylikha,+Ang dahilan kung bakit umaawit ang mga tao sa gabi?’+
11 Mas tinuturuan niya tayo+ kaysa sa mga hayop sa lupa,+At ginagawa niya tayong mas marunong kaysa sa mga ibon sa langit.
12 Dumaraing ang mga tao, pero hindi siya sumasagot,+Dahil sa pagmamataas ng masasama.+
13 Tiyak na hindi pinakikinggan ng Diyos ang walang-saysay na pag-iyak;*+Hindi iyon pinapansin ng Makapangyarihan-sa-Lahat.
14 Gaano pa kaya kung nagrereklamo kang hindi ka niya pinapansin!+
Naiharap na sa kaniya ang kaso mo, kaya dapat mo siyang hintayin.+
15 Dahil hindi nagalit ang Diyos, at hindi ka niya pinarusahan;Masyado kang naging padalos-dalos, pero hindi niya iyon binigyang-pansin.+
16 Walang saysay ang lumalabas sa bibig ni Job;Salita siya nang salita pero hindi niya naiintindihan ang sinasabi niya.”+
