Mga Kawikaan 16:1-33
16 Inihahanda ng tao ang laman ng puso niya,Pero ang isinasagot* niya ay mula kay Jehova.+
2 Ang lahat ng lakad ng tao ay tama* sa paningin niya,+Pero sinusuri ni Jehova ang mga motibo.*+
3 Ipagkatiwala* mo kay Jehova ang anumang gagawin mo,+At magtatagumpay ang iyong mga plano.
4 Isinasaayos* ni Jehova ang lahat ng bagay para matupad ang layunin niya,Pati ang pagkapuksa ng masasama sa araw ng kapahamakan nila.+
5 Kasuklam-suklam kay Jehova ang sinumang mapagmataas ang puso.+
Makakatiyak kang mapaparusahan siya.
6 Naipagbabayad-sala ang pagkakamali dahil sa tapat na pag-ibig at katapatan,+At lumalayo ang tao sa kasamaan dahil sa pagkatakot kay Jehova.+
7 Kapag nalulugod si Jehova sa ginagawa ng isang tao,Pinangyayari niyang makipagpayapaan dito kahit ang mga kaaway nito.+
8 Mas mabuti pang kaunti ang taglay pero matuwid+Kaysa malaki ang kita pero hindi naman tapat.*+
9 Maipaplano ng tao sa puso niya ang kaniyang landasin,Pero si Jehova ang gumagabay sa mga hakbang niya.+
10 Ang pasiya ng Diyos ay dapat na nasa mga labi ng hari;+Dapat na lagi siyang maging makatarungan.+
11 Mula kay Jehova ang wastong panukat at timbangan;Galing sa kaniya ang lahat ng batong panimbang na nasa supot.+
12 Kasuklam-suklam sa mga hari ang masasamang paggawi,+Dahil nagiging matatag ang trono sa pamamagitan ng katuwiran.+
13 Kalugod-lugod sa mga hari ang matuwid na pananalita.
Mahal nila ang mga nagsasabi ng totoo.+
14 Ang galit ng hari ay gaya ng mensahero ng kamatayan,+Pero napahuhupa* ito ng taong marunong.+
15 Ang liwanag sa mukha* ng hari ay nagbibigay-buhay;Ang pagsang-ayon niya ay gaya ng ulap na may hatid na ulan sa tagsibol.+
16 Mas mabuting magkaroon ng karunungan kaysa ng ginto!+
Mas mabuting piliin ang unawa kaysa sa pilak.+
17 Ang landas ng mga matuwid ay palayo sa kasamaan.
Ang taong nagbabantay ng kaniyang lakad ay nagliligtas sa buhay niya.+
18 Ang pagmamataas ay humahantong sa pagbagsak,At ang kayabangan ay humahantong sa pagkadapa.+
19 Mas mabuting maging mapagpakumbaba* kasama ng maaamo+Kaysa makihati sa samsam ng mga mapagmataas.
20 Ang gumagamit ng unawa sa pagtingin sa isang bagay ay magtatagumpay,*At maligaya ang nagtitiwala kay Jehova.
21 Tatawaging may unawa ang taong* marunong,+At ang taong mabait sa pagsasalita* ay nakahihikayat.+
22 Ang kaunawaan ay bukal ng buhay sa mga mayroon nito,Pero ang mga mangmang ay dinidisiplina ng kanilang kamangmangan.
23 Ang puso ng marunong ay nagbibigay ng kaunawaan sa bibig niya+At nagdaragdag ng panghihikayat sa pananalita niya.
24 Ang mabuting pananalita ay gaya ng tumutulong pulot-pukyutan,*Matamis at nakapagpapagaling sa mga buto.+
25 May daan na matuwid sa tingin ng isang tao,Pero kamatayan ang dulo nito.+
26 Nagtatrabahong mabuti ang isang manggagawa sa kagustuhan niyang kumain;Pinakikilos siya ng gutom* niya.+
27 Ang walang-kabuluhang tao ay naghuhukay ng masamang bagay;+Gaya ng nakapapasong apoy ang pananalita niya.+
28 Ang mahilig gumawa ng gulo* ay nagpapasimula ng pagtatalo,+At pinaglalayo ng maninirang-puri ang malalapít na magkakaibigan.+
29 Hinihikayat ng taong marahas ang kapuwa niyaAt inaakay ito sa maling daan.
30 Kumikindat siya habang nagpaplano ng masama.
Kinakagat niya ang mga labi niya habang isinasagawa ang masama niyang balak.
31 Ang puting buhok ay korona ng kagandahan*+Kapag ito ay nasa matuwid na daan.+
32 Ang taong hindi madaling magalit+ ay mas mabuti kaysa sa malakas na lalaki,At ang kumokontrol sa kaniyang galit* ay mas mabuti kaysa sa sumasakop ng lunsod.+
33 Inihahagis sa kandungan ang bato sa palabunutan,+Pero mula kay Jehova ang pasiyang nabubuo sa pamamagitan nito.+
Talababa
^ O “tamang sagot.” Lit., “sagot ng dila.”
^ Lit., “dalisay.”
^ Lit., “espiritu.”
^ Lit., “Igulong.”
^ O “Minamaniobra.”
^ O “makatarungan.”
^ O “naiiwasan.”
^ O “Ang pagsang-ayon.”
^ Lit., “mababa ang espiritu.”
^ Lit., “ay makakakita ng mabuti.”
^ O “ang may pusong.”
^ O “ang kahali-halinang pananalita.” Lit., “ang tamis ng mga labi.”
^ O “gaya ng bahay-pukyutan.”
^ Lit., “bibig.”
^ O “Ang bumubuo ng mga pakana.”
^ O “karangalan.”
^ Lit., “espiritu.”
