Mga Kawikaan 6:1-35
6 Anak ko, kung ginarantiyahan mo ang kapuwa mo,*+Kung nakipagkamay* ka sa isang estranghero,+
2 Kung nabitag ka ng sarili mong pangakoAt nasilo ng pananalita ng iyong bibig,+
3 Gawin mo ito, anak ko, para makalaya ka,Dahil nahulog ka sa kamay ng iyong kapuwa:
Magpakumbaba ka at magmakaawa agad sa iyong kapuwa.+
4 Huwag mong ipikit ang mga mata mo para matulog,At huwag mong hayaang sumara ang mga talukap nito.
5 Iligtas mo ang sarili mo na gaya ng gasela* sa kamay ng mangangasoAt gaya ng isang ibon sa kamay ng manghuhuli ng ibon.
6 Matuto ka sa langgam, ikaw na tamad;+Tingnan mong mabuti ang ginagawa nito at magiging marunong ka.
7 Kahit wala itong kumandante, opisyal, o tagapamahala,
8 Nag-iimbak ito ng pagkain kapag tag-araw,+At nagtitipon ito ng pagkain sa panahon ng pag-aani.
9 Ikaw na tamad, hanggang kailan ka hihiga riyan?
Kailan ka babangon mula sa pagtulog?
10 Kaunti pang tulog, kaunti pang idlip,Kaunti pang paghahalukipkip para magpahinga,+
11 At biglang darating sa iyo ang kahirapan na parang magnanakaw,At ang kakapusan na parang armadong lalaki.+
12 Di-tapat ang pananalita ng isang taong walang kabuluhan at masama;+
13 Kumikindat siya,+ sumesenyas gamit ang paa, at ipinantuturo ang mga daliri niya.
14 Masama ang puso niya,Kaya lagi siyang nagpapakana ng masama+ at naghahasik ng pagtatalo.+
15 Kaya bigla na lang siyang mapapahamak;Sa isang iglap, mapipinsala siya at hindi na gagaling.+
16 May anim na bagay na kinapopootan si Jehova;Oo, pitong bagay na kasuklam-suklam sa kaniya:
17 Mapagmataas na mga mata,+ sinungaling na dila,+ at mga kamay na pumapatay ng inosente,+
18 Pusong nagpapakana ng nakapipinsala,+ at mga paang nagmamadali sa paggawa ng masama,
19 Isang testigo na laging nagsisinungaling,+At sinumang naghahasik ng pagtatalo sa gitna ng magkakapatid.+
20 Anak ko, sundin mo ang utos ng iyong ama,At huwag mong kalimutan ang tagubilin* ng iyong ina.+
21 Lagi mong isapuso ang mga iyon;Itali mo ang mga iyon sa leeg mo.
22 Kapag lumalakad ka, papatnubayan ka nito;Kapag nakahiga ka, babantayan ka nito;At kapag gisíng ka na, tuturuan* ka nito.
23 Dahil ang utos ay isang lampara,+At ang kautusan ay liwanag,+At ang pagsaway at disiplina ay daan ng buhay.+
24 Iingatan ka ng mga ito mula sa masamang babae,+Mula sa mapang-akit na pananalita ng imoral na* babae.+
25 Huwag mong nasain sa iyong puso ang kagandahan niya,+At huwag kang magpabihag sa mapang-akit niyang mata,
26 Dahil tinapay lang ang natitira sa isang lalaki kapag sumiping siya sa isang babaeng bayaran,+Pero mahalagang buhay ang nawawala kapag sumiping siya sa asawa ng ibang lalaki.
27 Makapaglalagay ba ng apoy ang isang tao sa dibdib niya nang hindi nasusunog ang damit niya?+
28 O makalalakad ba ang isang tao sa ibabaw ng mga baga nang hindi napapaso ang mga paa niya?
29 Ganiyan din ang sinumang nakikipagtalik sa asawa ng kapuwa niya;Tiyak na mapaparusahan ang sinumang sumisiping dito.*+
30 Hindi hinahamak ng mga tao ang magnanakawKapag nagnakaw siya para masapatan ang gutom niya.
31 Pero kapag nahuli siya, ibabalik niya ito nang pitong ulit;Ibibigay niya ang lahat ng mahahalagang gamit sa bahay niya.+
32 Ang nangangalunya sa isang babae ay kulang sa unawa;*Ang gumagawa nito ay nagpapahamak sa sarili niya.+
33 Kirot* at kasiraang-puri lang ang mapapala niya,+At hindi mabubura ang kahihiyan niya.+
34 Dahil nagpapagalit sa asawang lalaki ang selos;Hindi siya magpapakita ng awa kapag naghiganti siya.+
35 Hindi siya tatanggap ng bayad;*Hindi mapahuhupa ang galit niya gaano man kalaki ang regalo mo.
Talababa
^ Nakipagkamay para sa isang kasunduan.
^ O “kung nanagot ka para sa kapuwa mo.”
^ Isang hayop na parang usa.
^ O “kautusan.”
^ O “kakausapin.”
^ Lit., “humihipo rito.”
^ Lit., “kapos ang puso.”
^ O “Sugat.”
^ O “pantubos.”
