Simula ngayong taon, mas marami na tayong panahon para makapaghanda sa Memoryal ng kamatayan ni Kristo. Kapag ang Memoryal ay tumapat sa simpleng araw, walang Pulong Para sa Buhay at Ministeryo. Kapag ang Memoryal ay tumapat sa dulo ng sanlinggo, walang idaraos na pahayag pangmadla at Pag-aaral sa Bantayan. Gusto mo bang gamitin sa pinakamabuting paraan ang panahong ito? Gaya noong unang siglo, may ilang bagay na kailangang ihanda para sa espesyal na okasyong ito. (Luc 22:7-13; km 3/15 1) Pero kailangan din nating ihanda ang ating puso. Paano?

• Pag-isipan ang kahalagahan ng pagdalo sa Memoryal.—1Co 11:23-26

• Manalangin at suriin ang kaugnayan mo kay Jehova.—1Co 11:27-29; 2Co 13:5

• Basahin at bulay-bulayin ang makakasulatang materyal na tumatalakay sa kahulugan ng Memoryal.—Ju 3:16; 15:13

Binabasa at binubulay-bulay ng ilang mamamahayag ang nakaiskedyul na pagbasa sa Bibliya sa Memoryal na nasa Pagsusuri sa Kasulatan Araw-araw. Binabasa naman ng iba ang mga teksto na makikita sa kalakip na chart. Nirerepaso naman ng iba ang mga artikulo sa Bantayan na tungkol sa Memoryal at sa pag-ibig na ipinakita sa atin ni Jehova at ni Jesus. Anuman ang study project na piliin mo, sana’y lalo kang mapalapít kay Jehova at sa kaniyang Anak.