KAYAMANAN MULA SA SALITA NG DIYOS | LEVITICO 16-17
Ikaw at ang Araw ng Pagbabayad-Sala
Ano ang matututuhan natin sa paggamit ng insenso sa Araw ng Pagbabayad-Sala?
-
Ang panalangin ng tapat na mga lingkod ni Jehova ay gaya ng insenso. (Aw 141:2) Buong paggalang na dinadala ng mataas na saserdote ang insenso sa harap ni Jehova. Kaya kapag lumalapit tayo kay Jehova sa panalangin, dapat din nating gawin iyon nang may matinding paggalang
-
Kailangan munang sunugin ng mataas na saserdote ang insenso bago siya maghandog. Bago din ihandog ni Jesus ang buhay niya, kailangan muna niyang maging tapat hanggang kamatayan para tanggapin ni Jehova ang kaniyang handog
Paano ko masisigurong tatanggapin ni Jehova ang mga ginagawa ko para sa kaniya?
