Dapat tularan ang mapagsakripisyong saloobin ni Isaias. Naipakita niya ang kaniyang pananampalataya nang agad siyang tumugon sa isang pangangailangan, kahit hindi pa niya alam ang lahat ng detalye. (Isa 6:8) Puwede mo bang baguhin ang iyong kalagayan para makapaglingkod kung saan mas malaki ang pangangailangan sa mga tagapaghayag ng Kaharian? (Aw 110:3) Siyempre pa, kailangang ‘tuusin ang gastusin’ bago ito gawin. (Luc 14:27, 28) Pero maging handang magsakripisyo para sa kapakanan ng gawaing pangangaral. (Mat 8:20; Mar 10:28-30) Gaya ng itinatampok sa video na Paglilingkod Kung Saan Malaki ang Pangangailangan, ang mga pagpapalang tinatanggap natin sa paglilingkod kay Jehova ay di-hamak na mas marami kaysa sa isinasakripisyo natin.

• Ano ang isinakripisyo ng pamilya Williams para makapaglingkod sa Ecuador?

• Ano ang isinaalang-alang nila noong pumipili ng lugar na paglilingkuran?

• Anong mga pagpapala ang tinanggap nila?

• Saan ka makakakuha ng higit na impormasyon kung gusto mong maglingkod kung saan mas malaki ang pangangailangan?

• Bilang pamilya, paano natin mapalalawak ang ating ministeryo? (km 8/11 4-6)

• Kung hindi tayo makapaglilingkod kung saan mas malaki ang pangangailangan, paano tayo makatutulong sa ating kongregasyon? (w16.03 23-25)