Gusto ni Jehova, ang “maligayang Diyos,” na masiyahan tayo sa ministeryo. (1Ti 1:11) Habang pinapasulong natin ang ating kakayahan, mas nagiging masaya tayo. Ang paggamit ng mga tanong ay nakakakuha ng interes at nakakapagpasimula ng pag-uusap. Kapag nagtatanong tayo, napapasigla ang mga tao na mag-isip at mangatuwiran. (Mat 22:41-45) Sa pamamagitan ng pagtatanong at pakikinig, para bang sinasabi natin, ‘Mahalaga ka sa akin.’ (San 1:19) Batay sa sagot ng kausap, malalaman natin kung paano maipagpapatuloy ang pag-uusap.

PANOORIN ANG VIDEO NA MASIYAHAN SA PAGGAWA NG ALAGAD—PASULUNGIN ANG IYONG KAKAYAHAN—GUMAMIT NG MGA TANONG. PAGKATAPOS, SAGUTIN ANG SUMUSUNOD NA MGA TANONG:

• Anong magagandang katangian ang ipinakita ni Joy?

• Paano gumamit si Neeta ng mga tanong para maipakita ang personal na interes?

• Paano gumamit si Neeta ng mga tanong para mas maging interesado si Joy sa mabuting balita?

• Paano gumamit si Neeta ng mga tanong para tulungan si Joy na mag-isip at mangatuwiran?