Ang Paghayo ng Apat na Mangangabayo
Si Jesus ay matagumpay na humayo nang makipagdigma siya kay Satanas at sa mga demonyo sa langit, at nang ihagis niya sila sa lupa. Patuloy na nagtatagumpay si Jesus dahil tinutulungan at pinoprotektahan niya ang kaniyang mga lingkod sa mga huling araw na ito. “Para lubusin ang pagtatagumpay niya,” pahihintuin ni Jesus ang tatlong mangangabayo sa Armagedon at babaligtarin niya ang naging epekto ng paghayo nila.