Lahat tayo ay apektado ng kamatayan. Pero ito ba ang wakas ng lahat? Tuluyan na bang makakalimutan ang mga namatay? May pag-asa pa ba silang mabuhay-muli?

HINDI NAKAKALIMUTAN ANG MGA NAMATAY

‘Ang lahat ng nasa mga libingan ay mabubuhay-muli.’​—Juan 5:28, 29.

Hindi nalilimutan ng Diyos ang mga patay; ang mga nasa alaala niya ay mabubuhay-muli.

MAGKAKAROON NG PAGKABUHAY-MULI SA LUPA

“Bubuhaying muli ng Diyos ang mga matuwid at di-matuwid.”​—Gawa 24:15.

Bilyon-bilyon ang bubuhaying muli at may pag-asa silang mabuhay nang payapa magpakailanman.

KAPANI-PANIWALA ANG PAG-ASA SA PAGKABUHAY-MULI

“Binibilang [ng Diyos] ang mga bituin; tinatawag niya sa pangalan ang lahat ng ito.”​—Awit 147:4.

Kung tinatawag ng Diyos ang lahat ng bituin ayon sa pangalan ng mga ito, mas kaya niyang alalahanin ang mga taong bubuhayin niyang muli.