Dapat turuan ng mga magulang ang mga anak nila tungkol kay Jehova. Mabigat na pananagutan iyon. (Efe. 6:4) Pero maraming inilaan ang organisasyon ni Jehova na makakatulong sa mga magulang. Paano mo magagamit ang mga ito sa pagtuturo sa mga anak mo?

• Magpunta sa jw.org. Marami itong publikasyon, video, at activity na ginawa para sa mga kabataan. a Para makita ang mga ito, i-type ang “Mga Bata” o “Tin-edyer” sa search bar.

• Pumili ng paksang babagay sa anak mo. Sa seksiyong “Mga Bata,” makakapili ka ng mga activity na makakatulong sa kaniya. Para makita ang ilan sa mga ito, i-search ang “Mga Activity Para sa Pampamilyang Pagsamba.”

• Maglaan ng panahon sa anak mo. Huwag gawing pampalipas-oras lang niya ang mga video o activity natin. Pag-usapan ninyo ito para matulungan mo siyang maging kaibigan ni Jehova.