Bakit “Propaganda”?

Noong 1622, si Papa Gregorio XV ay nagtatag ng isang kongregasyon, o komite, ng 13 kardinal, 2 prelado, at isang kalihim upang pangasiwaan ang mga misyonero ng Iglesya Romano Katoliko. Tinawag niya itong Congregatio de Propaganda Fide​—ang Kongregasyon para sa Pagpapalaganap ng Pananampalataya—​o Propaganda sa maikli. Nang maglaon ang salitang ito ay nangahulugan ng anumang pagsisikap upang ikalat ang mga ideya o paniwala upang gumawa ng mga taong kumbertido.

Ngayon, ang “propaganda” ay kadalasang iniuugnay sa isang pagpilipit ng mga katotohanan, ang hindi tapat na pag-impluwensiya sa isipan ng mga tao, gaya halimbawa sa panahon ng digmaan. Subalit inaakala ng ilang awtoridad na kahit na ang pinakamahusay na pag-aanunsiyo ay mailalarawan bilang propaganda, lalo na kung ito’y nagsasangkot ng panghihikayat. Ganito ang komento ng The World Book Encyclopedia: “Ang mga tagapagturo sa demokratikong mga lipunan ay nagtuturo sa mga tao kung paano mag-isip, subalit ang mga propagandista ay nagsasabi sa kanila kung ano ang iisipin.”