Kinokopya ng Tao ang Disenyo ng Maylalang

Bakit hindi nababasag ang manipis na mga bombilya mula sa mahigpit na pagkakahawak dito kapag ikinakabit ang mga ito sa bokilya? Ayon sa aklat na How in the World?, ang sagot ay pangunahin nang dahil sa hugis ng bombilya, na salig sa “prinsipyo ng hugis ng balat ng itlog.” Bagaman napakanipis ng mga balat ng itlog, hindi nababasag ang mga ito ng bigat ng inahin kapag nililimliman niya ang mga ito sa pugad upang mapisa. Ito’y dahil sa ang hugis ng itlog ay naglalaan ng matibay na istraktura na nakakayanan ang presyon. (Baka hindi matuka ng sisiw ang mas makapal na balat ng itlog kung lumalabas na ito.) Sa pagkopya sa disenyo ng Maylalang, ang mga bombilya ng ilaw ay may pabilog na hugis para kapag hinawakan itong mabuti, ang puwersa ay “napupunta sa lahat ng direksiyon sa kurbada ng bombilya.” Kaya naman, gaya ng itlog, ang labis na puwersa ay hindi nananatili sa isang lugar lamang, at ang bombilya ay hindi nababasag. Talagang malaki ang natututuhan ng tao mula sa pag-aaral sa sangnilalang!