Si Jesus ang “Nag-aalis ng Kasalanan ng Sanlibutan”

● Sinabi ni Juan na Tagapagbautismo na si Jesus ang “nag-aalis ng kasalanan ng sanlibutan.” (Juan 1:29) Ipinapakita nito ang papel ni Jesus sa pagliligtas sa masunuring sangkatauhan.

Bakit nga ba kailangang mamatay si Jesus para iligtas ang mga makasalanan? Ano ang naisagawa niya sa pagbibigay ng kaniyang buhay? Sino ang nakikinabang sa kamatayan niya? Ano ang kahulugan nito para sa iyo?

Taun-taon, nagtitipon ang mga Saksi ni Jehova para alalahanin ang anibersaryo ng kamatayan ni Jesus. Ngayong taon, ito ay gaganapin sa Linggo, Abril 17, pagkalubog ng araw.

Malugod kang inaanyayahan ng mga Saksi ni Jehova na samahan sila at suriin ang kahalagahan ng kamatayan ni Jesus. Tatalakayin din ang mga sagot ng Bibliya sa nabanggit na mga tanong.

Maaari kang dumalo sa lokasyong pinakamalapit sa iyo. Pakisuyong makipag-ugnayan sa mga Saksi ni Jehova sa inyong lugar para sa eksaktong oras at lokasyon ng pagtitipon.