Pahina Dos

Kung Paano Palalakihing Responsable ang mga Anak

Malamang na hindi iyan gaanong iniisip ng mga magulang habang pinagmamasdan ang kanilang bagong-silang na sanggol. Pero ang totoo, darating ang panahon na ang munting sanggol na iyon ay lálakí, magiging adulto, at magsasarili. Ganiyan talaga ang mangyayari, dahil sinasabi ng Bibliya na “iiwan ng lalaki ang kaniyang ama at ang kaniyang ina.” (Genesis 2:24) Siyempre, totoo rin iyan kung ang anak ay babae.

Pero sa araw na bubukod na ang anak, maraming magulang ang nag-aalala. Iniisip nila: ‘Napalaki ko kaya nang maayos ang anak ko? Magiging responsableng empleado kaya siya, makakaupa ng sariling apartment, at mapagkakasya ang suweldo niya?’ At mas mahalaga, ‘Mamumuhay kaya ang anak ko ayon sa mga pamantayang moral na itinuro namin sa kaniya?’​—Kawikaan 22:6; 2 Timoteo 3:15.

Ipakikita ng espesyal na isyung ito ng Gumising! kung paano makatutulong sa mga magulang ang mga payo ng Bibliya sa bawat yugto ng paglaki ng kanilang anak.