Marso 22, 2008—Isang Araw na Dapat Alalahanin

Noong gabi bago siya namatay, ipinasa ni Jesus sa kaniyang mga apostol ang tinapay na walang lebadura at isang kopa ng alak, at sinabi sa kanila na kainin ang tinapay at inumin ang alak. Sinabi rin niya: “Patuloy ninyong gawin ito bilang pag-alaala sa akin.”​—Lucas 22:19.

Sa taóng ito, ang anibersaryo ng okasyong ito ay papatak sa Sabado, Marso 22, pagkalubog ng araw. Ang mga Saksi ni Jehova sa buong daigdig ay magtitipon sa espesyal na gabing ito upang ipagdiwang ang Memoryal ng kamatayan ni Jesus ayon sa tagubilin niya. Malugod kang inaanyayahan na samahan kami bilang tagapagmasid sa okasyong ito. Pakisuyong makipag-ugnayan sa mga Saksi ni Jehova sa inyong lugar para malaman ang eksaktong oras at lugar ng pagtitipon.