1. Diyos naming Jehova,

Diyos ng kapayapaan.

Ang espiritu’y dalangin,

Nang bunga ay malinang.

Dahil sa ’yong Anak,

Ika’y naging kaibigan,

Mapayapang kaugnayan

sa iyo ay nakamtan.

2. ’Yong Salita’y ilaw,

Patnubay sa ’ming buhay.

Sa mundong may kadiliman,

Ikaw ang aming gabay.

Hanggang sa magwakas

Lahat ng kaguluhan,

Tulungang mapanatili

aming kapayapaan.

3. Sa langit at lupa,

Ngayo’y natitipon na

Ang ’yong mga iniibig;

Sila’y nagkakaisa.

Ang ’yong Kaharian,

Digmaa’y wawakasan.

Maaamo ay tatahang

payapa’t walang hanggan.