AWIT 29
Pamumuhay Ayon sa Aming Pangalan
-
1. Diyos na Jehova, makapangyarihan,
Maibigin, at makatarungan.
Taglay mo ang saganang karunungan.
Ang Soberano sa kalangitan.
Bilang ’yong bayan, aming kagalakan
Na maglingkod para sa Kaharian.
(KORO)
Nawa’y mamuhay ayon sa ’ming ngalan.
Maging Saksi mo ay karangalan.
-
2. Magkakasama sa paglilingkuran;
Nabubuklod sa pagkakaisa.
Ang pagtuturo ng katotohanan,
Nagbibigay sa amin ng saya.
Iniingatan ang aming paggawi
Dahil kilala sa ’yong pangalan.
(KORO)
Nawa’y mamuhay ayon sa ’ming ngalan.
Maging Saksi mo ay karangalan.
(Tingnan din ang Deut. 32:4; Awit 43:3; Dan. 2:20, 21.)
