PATULOY NA MAGBANTAY!
Magkakaisa Ba Talaga ang Mundo Dahil sa Olympics?—Ano ang Sinasabi ng Bibliya?
Sa 2024 Summer Olympics, mga limang bilyon ang manonood habang naglalaro ang mga atleta mula sa 206 na lupain. “Bahagi tayo ng isang event na pinagkakaisa ang buong mundo para maging payapa,” ang sabi ni Thomas Bach, presidente ng International Olympic Committee. “Isapuso natin ang diwa ng Olympics na ito, na ang lahat ng tao ay mamuhay nang payapa at nagkakaisa kahit na magkakaiba tayo.”
Magagawa ba talaga iyan ng Olympics? Posible ba talagang magkaroon ng kapayapaan at pagkakaisa?
Tunay na kapayapaan at pagkakaisa dahil sa Olympics?
Hindi lang basta sports ang Olympics sa taóng ito. Nagiging dahilan din ito ng mga isyu sa politika at lipunan na nakakaapekto sa pagkakaisa ng mga tao. Kasama sa mga isyung iyan ang karapatang pantao, racism, diskriminasyon dahil sa relihiyon, at di-pagkakapantay-pantay ng mga tao.
Nagsisilbing entertainment ngayon ang mga international sporting event na gaya ng Olympics. Pero kitang-kita din dito ang mga ugali at ginagawa ng mga tao na nagiging dahilan para magkabaha-bahagi sila imbes na magkaisa at maging payapa.
Inihula sa Bibliya ang mga ugali ng mga tao na nagiging dahilan kung bakit nahihirapan silang magkaisa ngayon. (2 Timoteo 3:1-5) Para malaman ang iba pa tungkol sa hulang ito ng Bibliya, basahin ang artikulong “Inihula Ba ng Bibliya na Magiging Ganito ang Ugali ng mga Tao sa Ngayon?”
Tunay na kapayapaan at pagkakaisa sa mundo
Mababasa sa Bibliya na talagang magiging payapa at magkakaisa ang lahat ng tao sa mundo. Sinasabi nito na gagawin iyan ng isang gobyerno sa langit na tinatawag na “Kaharian ng Diyos.”—Lucas 4:43; Mateo 6:10.
Titiyakin ni Jesu-Kristo, ang Hari ng Kahariang iyon, na magkakaroon ng kapayapaan sa buong mundo. Sinasabi ng Bibliya:
“Mamumukadkad ang matuwid, at mamamayani ang kapayapaan.”—Awit 72:7.
“Ililigtas niya ang dukha na humihingi ng tulong . . . Sasagipin niya sila mula sa pang-aapi at karahasan.”—Awit 72:12, 14.
Ngayon pa lang, nagkakaisa na ang milyon-milyong tao sa 239 na lupain dahil sa mga turo ni Jesus. Bilang mga Kristiyano, natutuhan ng mga Saksi ni Jehova sa buong mundo na maging mapagpayapa. Para malaman kung paano, basahin ang isyu ng magasing Bantayan na “Madadaig Natin ang Poot.”
Magugustuhan Mo Rin
SAGOT SA MGA TANONG SA BIBLIYA
Saan Ako Makakahanap ng Pag-asa?
Makakakuha ka ng mapagkakatiwalaang impormasyon na magagamit mo para mapabuti ang buhay mo ngayon at magbibigay sa iyo ng positibong pananaw tungkol sa hinaharap.
MAHAHALAGANG TURO NG BIBLIYA
Ano ang Kaharian ng Diyos?
Sa buong ministeryo ni Jesus, tungkol sa Kaharian ng Diyos ang pinakamadalas niyang ituro. Matagal nang ipinapanalangin ng mga tagasunod niya na dumating na ang Kahariang iyan.
IBA PANG PAKSA
Makakaasa Ka sa Isang Magandang Kinabukasan
Bakit ibang-iba ang mga pangako sa Bibliya kumpara sa mga pangako at prediksiyon ng mga tao?
SAGOT SA MGA TANONG SA BIBLIYA
Kapayapaan sa Lupa—Paano?
Tingnan kung paano tutuparin ng Diyos ang pangako niyang magdala ng kapayapaan sa lupa sa pamamagitan ng Kaharian niya.
MAHAHALAGANG TURO NG BIBLIYA
Saan Mo Makikita ang Sagot sa Mahahalagang Tanong sa Buhay?
May tanong ka ba tungkol sa buhay, kamatayan, o mangyayari sa hinaharap? May nakakakumbinsing sagot sa mga iyan at sa iba pang tanong! Saan iyan makikita?
TUNGKOL SA AMIN
Mag-request ng Pupunta sa Iyo
Pag-usapan ang isang tanong sa Bibliya, o kilalanin pa ang mga Saksi ni Jehova.
