JW LIBRARY
Pag-highlight ng Text—iOS
Habang nag-aaral ka at nagbabasa ng mga publikasyon sa JW Library, puwede kang mag-highlight ng mga salita o parirala.
Sundin ang mga tagubiling ito para mag-highlight:
Mag-highlight
May dalawang paraan para mag-highlight.
I-tap nang medyo matagal ang isang salita. Puwede mong i-adjust ang mga handle depende sa mga salitang gusto mong i-highlight. Sa lilitaw na menu, i-tap ang Highlight button at pumili ng kulay na gusto mo.
Para mag-highlight ng isang salita o parirala nang minsanan, i-tap nang medyo matagal, saka i-drag. Pagkatapos, may lilitaw na menu. Puwede mo itong gamitin para pumili ng kulay o mag-delete ng highlight.
Magbago ng Highlight
Para palitan ang kulay, i-tap ang naka-highlight na text at pumili ng bagong kulay. Para burahin ang highlight, i-tap ang naka-highlight na text at i-tap ang Delete button.
Ang mga feature na ito ay lumabas noong Nobyembre 2015 sa JW Library 1.6, na compatible sa iOS 7.0 o mas bago pa. Kung hindi mo makita ang mga feature na ito, sundin ang mga tagubilin sa artikulong “Gamitin ang JW Library—iOS,” sa ilalim ng Laging Mag-update.
