Dɔmbɛlɔ
Ngande weyaso dia Jehowa pokamɛka ndo kadimolaka alɔmbɛlɔ aso?
Enda ndo lo Os 66:19; Ets 10:31; Hɛb 5:7
-
Bɛnyɛlɔ dia lo Bible diakoka kokimanyiya:
-
1Ku 18:36-38—Jehowa akakadimola aha la ntshimbatshimba lo dɔmbɛlɔ di’omvutshi Elidja lo dikona dia Karamɛlɛ l’etena kakandalɔshanaka l’amvutshi wa Baala
-
Mat 7:7-11—Yeso akatokeketsha dia ntetemala nɔmba ndo akatoshikikɛ dia Jehowa Shɛso ka ngandji tohokamɛka
-
Onto akɔna shikaa lahomba Akristo nɔmbaka?
Lo tshimbo ya lokombo lakɔna lalɔmbaso?
Jehowa pokamɛka alɔmbɛlɔ w’anto akɔna?
Alɔmbɛlɔ w’anto akɔna wahahokamɛ Jehowa?
Tok 15:29; 28:9; Isa 1:15; Mik 3:4; Jak 4:3; 1Pe 3:7
-
Bɛnyɛlɔ dia lo Bible diakoka kokimanyiya:
-
Jas 24:9, 10—Jehowa kopokamɛ dɔmbɛlɔ dia Balama nɛ dia kɛnɛ kakandalɔmbɛ kɔmbɔtɔnɛ la lolango la Nde
-
Isa 1:15-17—Lam’ele ekambi ande wakayonga la dungi pende ndo andjakanyi Jehowa akatone mpokamɛ alɔmbɛlɔ awɔ
-
Naa yoho ya dimɛna ya nkomiya dɔmbɛlɔ ndo lande na?
Onde Bible mbutaka dia sho pombaka monga la kiongamu mɔtshi shikaa etena kalɔmbaso?
1Ku 8:54; Mak 11:25; Luk 22:39, 41; Jni 11:41
Enda ndo lo Jna 2:1
Awui akɔna amɔtshi wakoka ekambi wa Jehowa nɔmba etena kasanganawɔ kaamɛ dia ntɛmɔla?
-
Bɛnyɛlɔ dia lo Bible diakoka kokimanyiya:
-
1Ɛk 29:10-19—Nkumekanga Davidɛ akalɔmbɛ la ntondo ka wodja w’Isariyɛlɛ etena kakawakimɔ weshasha dia mbika tɛmpɛlɔ
-
Ets 1:12-14—Apɔstɔlɔ, anango Yeso, Mariya wa nyango Yeso ndo wamato amɔtshi wa kɔlamelo wakasangana lo luudu lɔmɔtshi la ladiko la la Jɛrusalɛma dia nɔmba kaamɛ
-
Lande na kahahombe ɔnɛ lalɔmba ndjatombola kana nyanga dia mambiya anto?
Lande na kahombaso nɔmbaka la ntondo ka ndɛ?
Lande na kahatahombe mbidja dɛwɔlɛwɔ lo kɛnɛ kendana la nɔmba Shɛso lele l’olongo?
Rɔm 12:12; Ɛf 6:18; 1Tɛ 5:17; 1Pe 4:7
-
Bɛnyɛlɔ dia lo Bible diakoka kokimanyiya:
-
Dan 6:6-10—Kaanga la ntondo ka waale wa nyɔi, omvutshi Danyɛlɛ akatetemala la mbekelo kande ka nɔmbaka Jehowa lo sɛkɛ
-
Luk 18:1-8—Yeso akakambe l’ɛnyɛlɔ k’owandji wa kɔlɔ lakayokimanyiyaka womoto ɔmɔtshi lakatetemalaka mbɔlɔmba dia nde menda dikambo dia nde dia mɛnya dia Shɛso ka kɔlamelo Jehowa tohokamɛka etena katetemalaso mbɔlɔmba
-
Waonga akɔna wahombaso monga la wɔ naka sho nangaka dia Nzambi mpokamɛ alɔmbɛlɔ aso wa todimanyiya?
-
Bɛnyɛlɔ dia lo Bible diakoka kokimanyiya:
-
2Ku 22:11-13, 18-20—Lam’ele nkumekanga Jɔsiya akayakitshakitsha ndo akatetemala ngɛnyangɛnya Jehowa, Jehowa akosalɛ akambo la kɛtshi ndo la memakana
-
2Ɛk 33:10-13—Nkumekanga Manase akalɔmbɛ l’okitshakitsha tshɛ, ko dui sɔ diakakonya dia Jehowa mbodimanyiya ndo mbokaloya lo kiti kande ka lowandji
-
Kakɔna katɔlɔmba Jehowa dia nsala naka sho nangaka dimanyiyama?
Lande na kahombaso nɔmbaka dia lolango la Jehowa salema?
Lande na kahomba alɔmbɛlɔ asɔ nkɛnɛmɔla mbetawɔ kele la so le Shɛso lele l’olongo?
Naa akambo akɔna amɔtshi shikaa wakokaso nɔmbaka?
Okidiamelo wa lokombo la Nzambi
Oyelo wa Diolelo dia Nzambi dia diɔ mbolɛ nkɛtɛ k’otondo
Okotshamelo wa lolango la Jehowa
Sho koka nɔmba Jehowa dia nde tokotshɛ ehomba aso
Edimanyielo ka pɛkato yaso
Tokokɛ oma lo ehemba
Mbooka losaka
Sho koka nɔmba dia mbeya lolango la Nzambi, lishihodia ndo monga la lomba
Enda ndo lo Os 119:34
-
Bɛnyɛlɔ dia lo Bible diakoka kokimanyiya:
-
1Ku 3:11, 12—Jehowa akangɛnangɛna woho wakɔlɔmbɛ Sɔlɔmɔna lomba ndo Nde akawosha lomba lo yɛdikɔ y’efula
-
Sho koka nɔmba nyuma k’ekila
Sho koka nɔmba lo dikambo di’asekaso ambetawudi mbidja ndo wanɛ wahɛnyahɛnyama
Sho koka tombola Nzambi lo dɔmbɛlɔ
-
Bɛnyɛlɔ dia lo Bible diakoka kokimanyiya:
-
Luk 10:21—Yeso akatombola She lo sɛkɛ lo woho wakandasholɛ anto wele l’okitshakitsha oko ana w’akɛnda akambo wa mɛtɛ
-
Ɛny 4:9-11—Nkumbo ka Jehowa ka l’olongo mboshaka lotombo ndo kɛnɛmɔ
-
Mbɔlɔmba lo dikambo di’ewandji wa lɛɛta dia vɔ totshika dia sho ntɛmɔla Jehowa ndo nsambisha lo wɔladi
Enda ndo lo Jɛr 29:7
Onde ekɔ kɔlɔ nɔmba l’etena kabatisimu kaso?
Onde ekɔ kɔlɔ nɔmba lo dikambo dia wanɛ wele la hemɔ ka lo nyuma?
Lande na katɔlɔmbaka apami aha la nkomba ɔtɛ ndo lande na katokombaka wamato ɛtɛ tena dimɔtshi etena kalɔmbawɔ?
Etena kalɔmbaso, dui diakɔna dioleki ohomba, onde dɔmbɛlɔ di’otale kana nsaki yakɛnɛmɔlaso lo dɔmbɛlɔ?
-
Bɛnyɛlɔ dia lo Bible diakoka kokimanyiya:
-
1Ku 18:25-29, 36-39—Lo nkadimola l’ɔlɔshamelo w’Elidja, amvutshi wa Baala wakalɔmbɛ jambizambi yawɔ l’edja ka wenya efula koko l’ekomelo nde kombakadimola
-
Ets 19:32-41—Atɛmɔdi wa dikishi wa l’Ɛfɛsɔ wakahangɔhangɔka lo dikambo dia jambizambi Artɛmi l’edja wa wenya ehende koko kɛnɛ kakatombe ele owandji w’osomba akawatɛ dia ntshika mbidja ofukutanu
-
Enda ndo lo...
YESO EKƆ MBOKA, MƐTƐ NDO LƆSƐNƆ
Ohomba wa nɔmbaka ndo wa monga l’okitshakitsha
Lo wɛɛla ande wa shushi ya kɔlɔ ndo wadi aki odo, Yeso amboka epole ɔsɛkɛ l’ohomba wa dionga dimɔtshi dia laande.
TSHOTO Y'ETANGELO
Dɔmbɛlɔ—Kɛnɛ kakokadiɔ kosalɛ
Kakɔna kakokayɛ nongamɛ naka wɛ nɔmbaka mbala la mbala lo lɔsɛnɔ layɛ?
AWUI WENDANA LA SO
Lɔmba dia onto ɔmɔtshi ndjokenda
Nyɔkɛtshanya dimbola dimɔtshi di’oma lo Bible, kana nyɔkɛtshanya awui efula wendana la Ɛmɛnyi wa Jehowa.
