Tshɔka lɛnɛ ele awui

Tshɔka lo ɛtɛ w'awui

Woho wa mbɔtɔ dihole kiombo mɔtshi
Yanga JW.ORG

Diwala

Diwala

Ele kiɔkɔ ya diwala?

Eta 1:​27, 28; 2:​22-24; Mat 19:​4-6

Onto akɔna ahomba Okristo nsɔna dia monga olonganyi ande?

Lande na kahahombe Okristo wa mɛtɛ mbetawɔ di’ɔnande tshukana l’onto lahatayakimɔ le Jehowa ndo lahatabatizama?

1Kɔ 7:39; 2Kɔ 6:​14, 15

  • Bɛnyɛlɔ dia lo Bible diakoka kokimanyiya:

    • Eta 24:​1-4, 7—Abrahama laki aya osombe akayashikikɛ dia nyangɛ ɔnande Isaka wadi oma l’atei w’ekambi wa Jehowa koko aha l’atei w’ase Kanana wakatɛmɔlaka nzambi kina

    • Eta 28:​1-4—Isaka akatome Jakɔbɔ y’ɔnande dia toyanga wadi l’atei w’asekande ambetawudi koko aha l’atei w’ase Kanana

Ngande wayaoka Jehowa lo dikambo dia wanɛ watshukana l’onto lele bu ombetawudi?

Eoh 7:​3, 4

  • Bɛnyɛlɔ dia lo Bible diakoka kokimanyiya:

    • 1Ku 11:​1-6, 9-11—Jehowa akomalɛ nkumekanga Sɔlɔmɔna l’ɔtɛ wakandɔnyɔla wadjango wa Nzambi lo ntshuka wamato w’ase wedja wakayengesolaka otema ande dia ntɛmɔla tozambizambi ta kashi

    • Nɛh 13:​23-27—L’ɛnyɛlɔ ka Jehowa, Nɛhɛmiya aki la nkɛlɛ k’efula otsha le ase Isariyɛlɛ etena kakawatshuke wamato waki kokambɛka Jehowa ndo nde akaahokola ndo akawasha dilanya

Lande na kele ekɔ dui dia lomba dia nsɔna olonganyi wakambɛ Jehowa la kɔlamelo tshɛ ndo wele la lokumu la dimɛna?

Tok 18:22; 31:​10, 28

Enda ndo lo Ɛf 5:​28-31, 33

  • Bɛnyɛlɔ dia lo Bible diakoka kokimanyiya:

    • 1Sa 25:​2, 3, 14-17—Nabala aki pami kaki l’ɔngɔnyi efula koko nde aki awui wolo ndo kɔlɔ, kɛsɔ akawetɛ omi la kɔlɔ ndo l’esehe le Abigayɛlɛ

    • Tok 21:9—Naka sho nsɔna olonganyi wa kɔlɔ kete hatotonga l’ɔngɛnɔngɛnɔ ndo la wɔladi

    • Ɛny 7:2—Ɔpɔstɔlɔ Pɔɔlɔ akate dia etena katshukama ɔna womoto, nde ekɔ l’ɛsɛ ka lowandji l’omɛnde lele bu kokele, diakɔ diele womoto la lomba sɔnaka olonganyi la shɛnɔdi

Ndjalɔngɔsɔla dikambo dia diwala

Lande na kahomba pami ndjashikikɛ dia nde ayoyokotshɛka wadɛnde l’anande ehomba awɔ la ntondo ka nde mbɔsa yɛdikɔ ya ntshuka?

1Ti 5:8

  • Bɛnyɛlɔ dia lo Bible diakoka kokimanyiya:

    • Tok 24:27—La ntondo ka pami ntshuka kana mbota, nde pombaka nkamba wolo dia monga suke dia kotshɛ ase nkumbo ehomba awɔ

Lande na kele anto ahende wembwana dia tshukana pombaka ndjasha dia nyanga alako wa lomba ndo nyanga dia mbeyana lɔkɛwɔ lo dihole dia menda paka dimɛna dia demba?

Tok 13:10; 1Pe 3:​3-6

  • Bɛnyɛlɔ dia lo Bible diakoka kokimanyiya:

    • Rut 2:​4-7, 10-12—Bɔaza akeye Ruta dimɛna lo nsɛdingola lɔkɛwɔ lande, woho wakandakambaka olimu ndo mbeya lokumu lande ndo diɔtɔnganelo diande la nkumbo kande ndo lonyuma lande

    • Rut 2:​8, 9, 20—Ruta akɛnyi dia Bɔaza aki ɔlɔlɔ, lokaho ndo nde akalangaka Jehowa

Lande na kalɔmba Jehowa dia wanɛ wembwana ntshikala pudipudi lo lɔkɛwɔ etena kembwanawɔ?

Nga 5:19; Kɔl 3:5; 1Tɛ 4:4

  • Bɛnyɛlɔ dia lo Bible diakoka kokimanyiya:

    • Tok 5:​18, 19—Toho tɔmɔtshi ta mɛnyanya ngandji tekɔ paka le atshukanyi

    • Lem 1:2; 2:6—L’etena ka dembwanelo, olami w’ɛkɔkɔ la ɔna womoto l’emuma l’ose Shulama wakembwanaka lo yoho ya dimɛna ndo ya pudipudi

    • Lem 4:12; 8:​8-10—Ɔna womoto l’ose Shulama akatshikala emuma ndo akayakimɛka; nde aki oko ekambɔ kodingami la lokombo djwɛ

Lande na kahomba wanɛ wembwana tshukana lo ndjela ɛlɛmbɛ wa lɛɛta?

Mat 22:21; Rɔm 13:1; Tit 3:1

Ɔkɛndɛ w’omi

Ɛkɛndɛ akɔna wa wolo wele la omi?

Ɛf 5:​23, 25, 28-31, 33

Ɛnyɛlɔ k’onto akɔna kahomba waomi w’Akristo ndjela etena kakambawɔ la lowandji lawɔ?

1Kɔ 11:3; Ɛf 5:23

Lande na kahomba omi mɛnya dia nde nangaka wadɛnde ndo shihodiaka ehomba ndo nsaki yande?

Kɔl 3:19; 1Pe 3:7

  • Bɛnyɛlɔ dia lo Bible diakoka kokimanyiya:

    • Eta 21:​8-12—Jehowa akatɛ Abrahama dia mpokamɛ wadɛnde Sara kaanga mbaki lokanyi lande kombɔngɛnyangɛnya

    • Tok 31:​10, 11, 16, 28—Omi la lomba lele la wadi l’oshika oko wolembetshiyamidiɔ lo avɛsa anɛ, hawolamanya ndo hayange dia monda la dikɔmɔ koko nde mbɛkɛɛka wadɛnde otema ndo mbotombolaka

    • Ɛf 5:33—Ɛtɛkɛta wakasambiyama w’ɔpɔstɔlɔ Pɔɔlɔ mɛnyaka dia wadi pombaka ndjaoka dia nde nangemaka oma le omɛnde

Ɔkɛndɛ wa wadi

Ɔkɛndɛ akɔna w’ohomba wakasha Jehowa waa wadi?

Eta 2:18; Kɔl 3:18; Tit 2:​4, 5

Onde ɔkɛndɛ wa wadi bu la nɛmɔ?

Eta 1:​26-28, 31; 2:18

  • Bɛnyɛlɔ dia lo Bible diakoka kokimanyiya:

    • Tok 1:8; 1Kɔ 7:4—Oyadi lo nkumbo kana lo diwala, Nzambi akasha waa wadi yema ya lowandji

    • 1Kɔ 11:3—Ɔpɔstɔlɔ Pɔɔlɔ akalembetshiya dia sho tshɛ tekɔ l’ɛse ka lowandji lɔmɔtshi onyake Nzambi Kanga-Wolo-Tshɛ

    • Hɛb 13:​7, 17—L’etshumanelo, apami la wamato pombaka ndjakitshakitsha ndo nkitanyiya wanɛ walɔmbɔla

Ngande wakoka wadi l’Okristo lele omɛnde bu ombetawudi ngɛnyangɛnya Jehowa?

1Kɔ 7:​13-16; 1Pe 3:​1, 2

Lande na kahomba wadi l’Okristo monga la dilɛmiɛlɔ di’efula otsha le omɛnde?

Ɛf 5:33

  • Bɛnyɛlɔ dia lo Bible diakoka kokimanyiya:

    • Eta 18:12; 1Pe 3:​5, 6—Sara akalɛmiyaka omɛnde efula ndo akawɔsaka oko ‘nkumɛnde’ kana ɔnɛ lakɔlɔmbɔlaka l’akambo wa lo nyuma ndo lo tokanyi

Woho akɔna wa womoto watombɔma wɔtɛkɛtami lo Bible?

Tok 19:14; 31:​10, 13-31

  • Bɛnyɛlɔ dia lo Bible diakoka kokimanyiya:

    • Eta 24:​62-67—Rɛbɛka akakimanyiya omɛnde Isaka dia nkondja ekeketshelo etena kakandavusha nyango

    • 1Sa 25:​14-24, 32-38—Abigayɛlɛ akakokɛ omɛnde l’enginya ndo ase luudu lande etena kakandayakitshakitsha la ntondo ka Davidɛ

    • Ɛst 4:​6-17; 5:​1-8; 7:​1-6; 8:​3-6—Ɛsta wadi aki nkumekanga akadje lɔsɛnɔ lande lo waale mbala hiende lo ntshɔ tɛnana la omɛnde dia mbɔlɔmba dia nkokɛ ekambi wa Nzambi

Woho wa nkandola ekakatanu

Atɔndɔ akɔna wakoka nkimanyiya atshukanyi dia nkandola ekakatanu wa lo diwala diawɔ?

1Kɔ 13:​4-8; Ɛf 5:33; Kɔl 3:​12-14

Atɔndɔ akɔna wa lo Bible wakoka nkimanyiya atshukanyi dia vɔ monga la kanyi yele la wɛdimo lo dikambo dia falanga?

Luk 12:15; Flp 4:5; 1Ti 6:​9, 10; Hɛb 13:5

Enda “Falanga”

Atɔndɔ akɔna wakoka nkimanyiya atshukanyi dia nkandola akambo wendana la ewotɔ ndo l’akilo?

Os 34:14; Mat 19:​5, 6; 1Kɔ 13:​4, 5

Atɔndɔ akɔna wakoka nɔmbɔla atshukanyi etena kasalawɔ awui wa dieyanelo?

Tok 5:​15-20; Mat 5:​27, 28; 1Kɔ 7:​3-5; 10:24; Flp 2:4; Hɛb 13:4

Lande na kele ekɔ ohomba mbidja yimba lo waonga w’amɛna w’olonganyi aso lo dihole dia wandja ande?

Os 103:14; 130:​3, 4; Tok 17:9; 1Pe 4:8

Lande na kele ekɔ dui dia dimɛna nkandola ekakatanu la ngandji ndo la wɔladi tshɛ lo dihole dia mombanɛ tokumbɛkumbɛ?

Os 37:8; Tok 14:29; Ɛf 4:​26, 27; Jak 1:​19, 20

Lande na kele nkɛlɛ ka wolo, ewanu, ntɛngɔ ndo dikɔmɔki ndo akambo akina wa ngasɔ bu dimɛna le Okristo?

Os 11:5; Nga 5:​19-21; Ɛf 4:​31, 32; Tit 3:2

Etena katomba ewanu, oyango akɔna wahomba wadi la omi monga la wɔ?

Os 34:14; Mat 5:9; Rɔm 12:​17, 18, 21

Ɛtshɔkɔ akɔna wakondja diwala diele Jehowa mbele etshina kadiɔ?

Ond 4:​9-12

Atɔndɔ wendana la diwala

Naa ɛlɛmbɛ wa Jehowa wendana la dieyanelo ndo la diwala?

Tok 6:32; Mat 5:​27, 28; 1Kɔ 6:​9, 10; Hɛb 13:4

Ngande wahomba Akristo mbɔsa diwala di’ɔsɛngɛ?

Mat 19:​8, 9; 1Kɔ 7:2; 1Ti 3:​2, 12

Ngande weyaso dia diwala pombaka monga paka lam’asa pami ɔtɔi la womoto ɔtɔi?

Eta 2:​18, 22, 24; Mat 19:​4-6; Rɔm 1:​23-27

Lande na kahomba Akristo ntshikala kaamɛ?

Mak 10:​6-9; Rɔm 7:​2, 3; 1Kɔ 7:​10, 11

Naa ɔkɔkɔ ɔtɔi wele l’Afundelo wetawɔma di’Akristo ndjaka diwala?

Mat 5:32; 19:9

Ngande wayaoka Jehowa etena kadiaka anto diwala aha l’ɔtɛ w’ɔkɔkɔ wetawɔma?

Mal 2:​13-16

Etena kavɔ olonganyi ɔmɔtshi, onde olonganyi wele la lɔsɛnɔ aya la lotshungɔ la tshukana nto?

Rɔm 7:​2, 3; 1Kɔ 7:39

 

Enda ndo lo...

EMƆ!

Nkumbo yele l’ɔngɛnɔngɛnɔ​—Nkamba kaamɛ

Onde mɛnamaka dia olonganyi ayɛ ekɔ oko onto lodjashi la yɛ luudu ɔtɔi?

ƐLƆNGƆLƆNGƆ WEKƆ LO NDJAMBOLA

Onde lekɔ suke dia membwana?

Awui atanu wakoka kokimanyiya dia mbeya dia kana wɛ aya suke dia membwana kana ntshuka

TSHOTO Y'ETANGELO

Waomi—Nyosale dia nkumbo yanyu ndjaoka lo ekokelo

Nkumbo koka monga lo ekokelo kaya lo monga la falanga, koko bu lo ekokelo koleki ohomba.

AWUI WENDANA LA SO

Lɔmba dia onto ɔmɔtshi ndjokenda

Nyɔkɛtshanya dimbola dimɔtshi di’oma lo Bible, kana nyɔkɛtshanya awui efula wendana la Ɛmɛnyi wa Jehowa.

AVƐSA WENDANA LA LƆSƐNƆ L’OKRISTO

Diwala

Ɔtɛtɛla
Diwala
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl lk. 29-33
WOHO WA TELESHARJƐ
Diwala
Woho wa telesharjɛ ekanda Avɛsa wendana la lɔsɛnɔ l’Okristo