Bɛnyɛlɔ dia lo Bible diakoka kokimanyiya:

• Rut 1:​11-13, 20—L’ɔkɔngɔ wa Naɔmi mvusha omɛnde ndo anande ahende, nde akanyange efula ndo akayaoke dia Jehowa ambokalɛ

• Jɔb 3:​1, 11, 25, 26; 10:1—Jɔbɔ aki l’ɔkɛyi w’efula l’ɔtɛ wakandashisha ɔngɔnyi ande, yonge yande ndo wakandavusha anande dikumi

 Avɛsa wakeketsha:

• Rɔm 12:19; Jak 1:13

Bɛnyɛlɔ dia lo Bible diakeketsha:

• Rut 1:​6, 7, 16-18; 2:​2, 19, 20; 3:1; 4:​14-16—Naɔmi akayasukanya l’ekambi wa Nzambi, aketawɔ ndo akasha ekimanyielo ka la ngandji, l’ɔkɔngɔ ekiyanu ande wakayɔhɛnyamaka l’ɔngɛnɔngɛnɔ

• Jɔb 42:​7-16; Jak 5:11—Jɔbɔ akakikɛ la mbetawɔ ndo Jehowa akɔɔtshɔkɔla lo yɛdikɔ y’efula

Bɛnyɛlɔ dia lo Bible diakoka kokimanyiya:

• 1Sa 1:​6, 7, 10, 13-16—Hana aki l’ekiyanu efula l’ɔtɛ wakosalɛka Penina akambo wa kɔlɔ ndo woho wakafɔnya Ɔlɔmbɛdi a laadiko Eli dia nde ambodjɔ wanu

• Jɔb 8:​3-6; 16:​1-5; 19:​2, 3—Angɛnyi asato wa Jɔbɔ wambowotɛ dia nde ekɔ kanga kɔlɔ ndo kɛsɔ ambokonya dia Jɔbɔ ndjakiyanya efula

Avɛsa wakeketsha:

• Os 37:​8, 9; Ɛf 4:26

Bɛnyɛlɔ dia lo Bible diakeketsha:

• 1Sa 1:​9-11, 18—L’ɔkɔngɔ wa Hana ndjiholɛ Jehowa otema ande, nde akayaoke dimɛna

• Jɔb 42:​7, 8, 10, 17—L’ɔkɔngɔ wa Jɔbɔ dimanyiya angɛnyi ande asato, Jehowa akɔɔtshɔkɔla

Bɛnyɛlɔ dia lo Bible diakoka kokimanyiya:

• 2Ku 22:​8-13; 23:​1-3—Nkumekanga Jɔsiya l’ekambi ande wakayaɛndja onongo l’ɔkɔngɔ wa vɔ mbadia Ɛlɛmbɛ wa Mɔsɛ

• Ɛzr 9:​10-15; 10:​1-4—Ɔlɔmbɛdi Ɛzɛra l’anto akina wakayaɛndja onongo l’ɔtɛ waki anto amɔtshi kokitanyiya Jehowa ndo l’ɔtɛ wakawatshuke wamato w’ase wedja

• Luk 22:​54-62—Petero aki la sɔnyi k’efula l’ɔkɔngɔ wa nde manguna Yeso mbala shato

Avɛsa wakeketsha:

• Os 32:5; 103:​9-14; Isa 1:18; Ets 3:19

• Enda ndo lo Isa 38:17; Mik 7:​18, 19

Bɛnyɛlɔ dia lo Bible diakeketsha:

• 2Ɛk 33:​9-13, 15, 16—Manase aki l’atei wa nkumi ya dikanga yakaleke kɔlɔ yaki la Juda, koko etena kakandayatshumoya wakawoke kɛtshi

• Luk 15:​11-32—Yeso akasha wɛɛla w’ɔna la lotshito dia mɛnya dimɛna woho watodimanyiya Jehowa pɛkato yaso tshɛ

Bɛnyɛlɔ dia lo Bible diakoka kokimanyiya:

• 2Ku 20:​1-3—Hɛzɛkiya akanyange wolo l’etena kakinde la hemɔ ndo suke la mvɔ

• Flp 2:​25-30—Epafrodito aki la lonyangu l’efula l’ɔtɛ wakoke ase etshumanelo ka la Filipɛ dia nde ekɔ la hemɔ ndo nde akayakiyanya efula lo fɔnya dia vɔ wayota dia nde aya bu l’akoka wa nkotsha ɔkɛndɛ ande

Avɛsa wakeketsha:

• Os 92:​12-14; Isa 40:​29-31; 46:4; 2Kɔ 8:12

Bɛnyɛlɔ dia lo Bible diakeketsha:

• 2Sa 17:​27-29; 19:​31-38—Nkumekanga akasha Barazilai nɛmɔ d’efula ndo akawelɛ dia vɔ ntshɔ la Jɛrusalɛma, koko Barazilai akeye elelo ande ko akatone diɛsɛ sɔ nɛ dia nde aki aya osombe efula

• Os 41:​1-3, 12—Etena kaki Davidɛ la hemɔ wolo, nde aki l’eshikikelo ɔnɛ Jehowa ayowokimanyiya

• Mak 12:​41-44—Yeso akandola wadi aki odo l’ose wola l’ɔtɛ wa woshasha ande nɛ dia nde akakimɔ kɛnɛ tshɛ kaki la nde