Ngande wakokayɛ ndeka nkondja wahɔ oma lo wekelo ɛnɛ wa Bible
Wekelo wɛ la ombetsha: Lɔmba onto lakakosha biukubuku nyɛ dia ndjoketshaka Bible, kana lodia dɛmandɛ lo sitɛ kaso k’Ɛtɛrnɛtɛ jw.org.
ETENYI KA NTONDO
Adia odingɔ tshɛ, mbidja ndo ambola wele l’alɛta w’edima A) ndo avɛsa B) watɔtɔmiya awui woleki ohomba. Lembetɛ dia avɛsa amɔtshi fundama ɔnɛ “adia.”
ETENYI KA L’ATEI
Ɛtɛkɛta wa lo etatelo C) wa lo etenyi ka Nyomotshimola nembetshiyaka tokanyi tayanga sɛdingɔma. Ɛtɛ w’awui wahɔnyi D) mbɔtshiyaka awui woleki ohomba. Adia avɛsa, kadimola ambola ndo enda tovidɛo E).
Enda esato ndo efundelo walembetshiya esato F), ndo nkanyiya woho wayoyokadimola lo etenyi kata ɔnɛ Anto amɔtshi mbuta ɔnɛ G).
ETENYI K’EKOMELO
Etenyi kofundjiwɔ ɔnɛ Lo tshena pe ndo Ovuswelo H) mbakomiya wekelo. Funda datɛ diamboshila wekelo. Etenyi kofudjiwɔ ɔnɛ Oyango I) mɛnyaka dui dimɔ diahombayɛ ndjalowanya. Etenyi kofudjiwɔ ɔnɛ Sala eyangelo J) kekɔ l’awui wakokayɛ mbadia kana tovidɛo takokayɛ menda.
Woho wa ntana avɛsa wa lo Bible
Avɛsa fundamaka nganɛ: Dibuku dia Bible A), tshapita B), ndo divɛsa kana avɛsa C). Ɛnyɛlɔ, Joani 17:3 nembetshiyaka dibuku dia Joani, tshapita 17, divɛsa 3.
Enda ndo lo...
AMBOLA WALEKA ANTO NDJAOKA
Ngande wasalema wekelo wa Bible walɔmba Ɛmɛnyi wa Jehowa?
Lo ekongelo ka wekelo wa Bible k’ofele kalɔmba Ɛmɛnyi wa Jehowa, wɛ koka nkamba la ekadimwelo tshɛ ka Bible keyɛ la tɔ. Tengengake dia mbelɛ nkumbo k’otondo kana ɔngɛnyi ayɛ tshɛ dia mbɔtɔ kaamɛ la yɛ lo wekelo.
