“Eolwelo . . . kayoyala.”—Etsha 24:15, Ekadimwelo k’andja w’oyoyo.

Wɛ ayosambema etena kavushayɛ lakiyɛ la ngandji.—2 Kɔrɛtɔ 1:3, 4.

Wɛ ayotshungɔ oma lo wɔma wa nyɔi.—Hɛbɛru 2:15.

Wɛ ayonga l’elongamelo k’oshika ka ndjonga nto kaamɛ la wakiyɛ wa ngandji wakavu.—Joani 5:28, 29.

Eelo, l’ɔtɛ w’ɛkɔkɔ esato ɛnɛ:

• Nzambi mbele Otungi wa lɔsɛnɔ. Bible mbelɛka Jehowa Nzambi ɔnɛ: “Eteko ka lumu.” (Osambu 36:9; Etsha 17:24, 25) Aha la taamu, Ɔnɛ lakasha ditongami tshɛ diasɛna lomu ekɔ mɛtɛ l’akoka wa mbolola onto lambovɔ.

• Nzambi akolola anto lo nshi y’edjedja. Bible tɛkɛtaka dikambo di’anto enanɛi wakolwama, akɛnda, epalanga, apami ndo wamato. Amɔtshi wakolwama wenya engana eto l’ɔkɔngɔ wa nyɔi kawɔ, koko ɔmɔtshi akolwama l’ɔkɔngɔ wa nde nsala nshi nyɛi lo dombo.—Joani 11:39-44.

• Nzambi ekɔ la nsaki k’efula ka mbolola anto nto. Jehowa petshaka nyɔi ndo nde kiɔsaka oko otunyi. (1 Kɔrɛtɔ 15:26) Nde ekɔ lo nomɔlomɔ dia nɛndja otunyi ɔsɔ lo tshimbo ya eolwelo. Nde ekɔ la nsaki k’efula ka mbolola wanɛ wele lo yimba yande ndo mbaɛna wasɛna nto la nkɛtɛ.—Jobo 14:14, 15.