ETENYI 3
Ɛlɛmbɛ wa Diolelo
OHƆSA dia wɛ ambohohiyɛ osukanyi ayɛ lonya dia mbosha mɔyɔ etena katayete. Aya tshanda mɔtshi yɛnayɛ dia nde ekɔ lo nsɛdingola kɛnɛ kasalayɛ wɛ la nkumbo kayɛ. Nde la wɔ ambokohohiya lonya ndo ambokɛnya lo sinyɛ dia wɛ memala. Nde ambokotɛ ate: “Dimi nte kombole dui dimɔtshi. Kakɔna kanyotshikitanya la anto akina?” Wɛ ambowombola wate: “Kakɔna kalangayɛ mbuta?” Nde ambokokombola: “Shi nyu nyekɔ Ɛmɛnyi wa Jehowa? Nyu ntshikitana l’anto akina tshɛ. Nyu hanyɔsɔhana l’ase ɛtɛmwɛlɔ ekina, hanyosale waa fɛtɛ yasalawɔ, hanyoyatambiya l’awui wa pɔlitikɛ ndo l’awui w’ata. Hanyɔnɔ mfɔka ndo nkumbo kanyu kekɔ la waonga w’amɛna. Diakɔ diakombolami lam’alangɛ dia wɛ mbutɛmi kɛnɛ kanyotshikitanya l’anto akina.”
Okadimwelo wayokoyɛ lo yimba ele ɔnɛ: Tekɔ lo nsɛna l’ɛse k’ɛlɔmbwɛlɔ ka Diolelo diaki Nzambi. Oko wende Nkumekanga ka Diolelo sɔ, Yeso ekɔ lo tolowanya. Nde ekɔ lo tokimanyiya dia sho ndjela wanya ande diaha sho ndjatambiya l’awui wa kɔlɔ wa l’andja ɔnɛ. Lo etenyi ka sato kɛnɛ, tayɛna woho walowanya Diolelo dia Mɛsiya ekambi waki Nzambi lo nyuma, lo yimba ndo lo woho wahomba okongamelo nkɛndakɛnda dikambo dia lotombo la Jehowa.
LO ETENYI KƐNƐ
TSHAPITA 10
Nkumekanga ekɔ lo ndowanya ekambi ande lo nyuma
Ngande wafɔna osalelo wa fɛtɛ ka Nɔɛlɛ la okambelo wa la kurusɛ?
TSHAPITA 11
Ɛlɛmbɛ wendana la lɔkɛwɔ
Mvudu y’anami ndo asoko wa lo tɛmpɛlɔ kakɛnyi Ɛzɛkiyɛlɛ wekɔ la kitshimudi ya laande le ekambi waki Nzambi ntatɛ oma ko 1914.
TSHAPITA 12
Tamboyakongɛ dia kambɛ “Nzambi ka wɔladi”
Bible hɛdika ofukutanu la ɔlɔngɛlɔ, koko la wɔladi. Lande na? Ndo shɛngiya yakɔna yele l’okadimwelo ɔsɔ le Akristo ɛlɔ kɛnɛ?
