ETENYI 1
Akambo wa mɛtɛ wendana la Diolelo—Otondjelo wa mbo ya ndɛ ya lo nyuma
OHƆSA dia wɛ ekɔ lo mɛna woho wamɔnamɔna ombeki ayɛ wa Bible l’ɔtɛ wamondoshihodia elembetshielo wa divɛsa diomanyu la mbadia. Nde ambota la dui dia l’ɛse ate: “Lo mɛtɛ katayɛ dia Bible mbetshaka dia tayɔsɛna pondjo lo paradiso lanɛ la nkɛtɛ?” Osekayɛ lakatombi la yɛ l’esambishelo ambɔmɔnamɔna ndo ambota ate: “Shi ngasɔ mbadishayɛ lo Bible?” La diambo tshɛ, ombeki wa Bible ambosuya l’ɔtɛ ndo ambota ate: “Mbala kami ka ntondo ka mboka dui sɔ.” Wɛ ambohɔ dia nde akate dui dia ngasɔ ambeta mingu ngana tsho, etena kakandeke mbala ka ntondo dia Jehowa mbele lokombo la Nzambi.
L’ɛnyɛlɔ k’asekaso ambetawudi efula, ondo ndo wɛ lawɔ ambohomanaka la dui sɔ. Akambo angana ato tooholaka woshasha wa nɛmɔ wakatalongola, mbuta ate ewo k’akambo wa mɛtɛ. Ohokanyiya yema, ngande wakayakondja woshasha ɔsɔ? L’etenyi kɛnɛ, tayɔsɛdingola dimbola sɔ. Woho wakayahɛtɛka ekambi waki Nzambi osase w’akambo wa mɛtɛ ekɔ djembetelo ya shikaa yatoshikikɛ dia Diolelo diaki Nzambi ekɔ dui dia mɛtɛ. Aya ɛnɔnyi lokama w’etondo wasala Nkumekanga kadiɔ, mbuta ate Yeso Kristo di’ekambi waki Nzambi mbetshama akambo wa mɛtɛ.
LO ETENYI KƐNƐ
TSHAPITA 3
Jehowa amboshola sangwelo diande
Onde Diolelo diaki l’atei wa sangwelo dia Nzambi? Ngande wakashola Yeso akambo wendana la Diolelo?
TSHAPITA 4
Jehowa ekɔ lo ntombola lokombo lande
Kakɔna kambosala Diolelo lo kɛnɛ kendana la lokombo laki Nzambi? Ngande wambotombwama ndo wambokidiama lokombo laki Nzambi lo tshimbo ya Diolelo ndo y’Ɛmɛnyi ande?
TSHAPITA 5
Nkumekanga ekɔ lo ngamula osase lo Diolelo
Eokelo k’oshika kendana la Diolelo diaki Nzambi, ɛnɔmbɔdi adiɔ, ambolami adiɔ ndo ohomba wa monga la kɔlamelo.
