Eva akahokamɛ olui ndo akale olowa. L’ɔkɔngɔ diko, nde akayosha Adama ko ndo nde akale.

Kɛnɛ kakawasale kɛsɔ kaki kɔlɔ, mbuta ate pɛkato. Nzambi akawatshanya oma lo Paradiso, lɛnɛ akawadjasɛka.

Lɔsɛnɔ laki wolo le wɔ ndo le anawɔ. Vɔ wakatshunde esombe ndo wakavu. Vɔ kootshɔ l’andja wa lo nyuma ndo vɔ komonga nto la lɔsɛnɔ.

Sho mvɔka nɛ dia sho tshɛ takaye oma le Adama la Eva. Anto wambovɔ hawokoke mɛna, mboka kana nsala dui dimɔtshi.​—Ondaki 9:5, 10.

Jehowa kosangoya di’anto ndjovɔka. Kem’edja nde ayanga mbolola wanɛ wakavu. Naka vɔ mbohokamɛ, kete vɔ wayɔsɛnaka pondjo pondjo.